Jan 08 – Notun bhasha!

Isaiah 6:7 aru tai chuishe amilaga muk itu pora, aru koishe: “thakibi utu pora apuni laga unth chuishe; apuni laga letra tu loi jaishe aru apuni lag pap pora sapha hoishe,”

Amikhan laga Isor tai ase jun hi sob notun banai diye. Tai apuni laga muk, jiba aru apuni laga uth bi notun kuri diye. Apuni khan tai laga ministry kure aru tai lag naam mahima kure, aru taike sheva kure gana gai kene.

Isor pora Isaiah laga jibon te notun kam kuribo koi kene bhabna kurishe- taike ekta tagot thaka laga aru mahima lga prophet banabole nimite. Hoilebi Isaiah laga muk tu hoile letra pora hi bhorta thakishe. itu karone tai laga muk tu hoile chui kene sapha kuribole laga thakishe. isor pora taike alter te thaka laga sman pora hi chuishe aru koishe: “thakibi utu pora apuni laga unth chuishe; apuni laga letra tu loi jaishe aru apuni lag pap pora sapha hoishe,”

Judi isor pora inika manuke choolaishe, tai laga muk tai laga jiba sob sapha hobo lage. Itu Isor laga khushi ase ki tai apuni laga muk ke notun banai dibo aru apuni ke tai laga mahima gabole dibo. Pobitro kotha te koi: “isor laga naam uncha kuribi, aru tai laga mahima pracharak khan laga joma jagate.” ( psalms 149:1)

Raja david laga ki anubhav thakishe?  psalms 40:2-3 “tai amike anishe uporte ekta biya gadha pora, ekta bhanga kolchi pora aru ami laga theng ke pathor te rakhibole dishe, aru ami laga kadam ke tai loi jaishe. Tai ami laga muk te notun gana rakhi she- isor ke mahima ase; bishi manu dihibo aru bbhoi kuribo, aru Isor ke Biswas kuribo. Ekbar yaad kuribi notun gana yate koa tu.

Ami khan laga muk tu hoile film laga gana kuri pare, aru gana kuntu amikhan khushi pai. Hoilebi itu pichete apuni khan notun gana gabo. Apuni khan atma laga gana gabo, aru tai laga naam uncha kuribo alag bhasha pora aru itu ke khushi hobo. Isor pora apuni khan ke notun muk itu nimite hi diya ase. Hoi mahima juntu hi apuni laga muk laga phal ase. Aru apuni mahima kuribo isor laga itu prithibi laga jibon karone aru hodai din laga swarg laga jibon karone bi.

Apostle paul pora likhe tai laga epistles te ephesians khan karone: “ekjon ekjon ke koa homoi te psalms, hymns aru atma lag gana khan gai kene mon khushi kuri kene isor ke dibi, Isor ke dhonyaba kuri kenehodai din sob saman karone Isor ke amikhan laga baba ke Isor Jisu Krista laga naam te,(ephesians 5:19-20)

Isor laga bacha khan, it uses din khan, din ase amikhan karone gana kuribole notun gana, notun muk pora ga laga. Jitya amikhan Isor ke lok pai haw ate, amikhan tgai ke notun gana kuri kene lok pabo lage, notun mahima aru notun khushi amikhan laga mon te loi kene.

Aji bhabna kuribole laga pobitro kotha tu hoile Psalms 100:4 gushibi tai laga dorja te dhonyabad kuri kene, aru tai laga ghor te mahima kuri kene. Dhonyabad dibi, aru ashish kuribi tai laga naam ke.