Jan 07 – Notun Niom!

1 John 2:8 Arubi, notun niom ami apuni ke likhi ase, juntu hosa ase tai te aru apuni te, kilekoile andhera tu par hoi ase, aru hosa ujala tu chamkibole shuru hoi ase.

Yate apostle john tu notun niom laga kotha kori ase. Jitya apuni notun niom laga hisab te berai, sob jaga apuni laga jibon te notun hoi jai. Andhera tu jai aru ujala tu chamke. Inika hi notun niom tu amikhan ke notun ujala dikhai.

Purana niom khan tu hoile moses laga hath  pora hi dishe Israel manu khan ke.  Tai khan ekta jhagra kura khonga thaka manu thakishe. isor pora inika manu khan ke itu niom laga bhitor te anishe jun khan iku niom nathaki kene zzinda thakishe. jun manu khan nijor laga hisab te hi berai thakishe utu khan ke itu niom laga niche te anishe itu dosta niom pora aru itu niom hi tai khan hodai cholai thakishe. tai khan itu dosta niom laga hisab pora hi thakishe. kilekoile taikha itu pura dosta niom tu thik pora manibole paranai toh shrap hi tai khan laga jibon te lagi thakishe.

Hoilebi kitya amikhan notun niom te ahishe, isor Jisu Krista pora itu niom morom laga dishe amikhan ke. Itu dosta niom laga bodli te Isor pora duita niom amikhan laga agete  rakhi dishe. Poila tu hoiule Isor ke morom kura apuni laga mon aru atma ker di kene. Aru dusra tu hoiule apuni khan laga usor manu ke nijor nishina hi morom kura. Aru itunotun niom hi amikhan laga notun sikhai diya ase jibon karone.

Suku karne suku, dat karne dat  aru jibon karone jibon itu hi thakishe purana niom te. Hoilebi notun niom pora amikhanke sikhaiki amikhan nijor laga dushman ke bi morom kuribo lage. Isor pora amikhan ke taikhan karone prathana kuribi koi junkhan amikhan ke mon biya kuri dishe.

Jitya apuni Krista te ahe, apuni itu purana niom laga nichce te nahe  hoilebi manu ke morom kura laga niom tea he. Manu khan ke morom kura laga hi apuni laga sobse zaroori kam ase. Ekbar isor Jisu pora apuni khan ke morom kura laga ke yaad kuribi aru itu morom ke hi loi kene apuni khan manu ke bi dibi.

Isor laga bacha khan apuni khan itya notun niom laga homoi te ase. Krista hi ase jun  pora pauni aru Isor majote itu kotha dishe. Taike hi  sob mahima aru sonman ase ki amikhan aru Isor Jehovah majote itu pul ke bonaishe. Apuni laga mon atma ke uthai kene isor laga sheva kuribi aru taike mahima kuribi tai laga morom nimite.

Aji bhabn kuribole laga pobitro kotha tu hoile Hebrews 8:8 thakibi din khan ahi ase, koi Jehovah, jitya ami ekta notun kosom dibo Israel laga ghor ke aru Judah laga ghor ke.