Jan 06 – Tabme Ahiman!

“Bzgarda jattinji ranoitad-nam gijteji, do kuddub rajanji ganugu-nam gijteji; bar Gamangtungan a t’odan batte a tiylen abo tabme ahiman aman hangte” (Jisaya 62:2).

Kitungan Anindaman tabme ahiman tiyle. Angante ahimben batte ganudingan adele, ambendaman gugudage aranubob Gamangtungan a s’i-ling saring, do Kitungan a raja s’I saring ahangte (Jisaya 62:2-3). Ateng mandranji, kristu maranji anabkalkalan batte, aninji ahimanji adbandaeji abaranji orde alanumanji janang. Jajzngante ate kristuhiman do jajzngante ate bigardan dormahiman dakuteji, adernanji ambrij. Kan ate janajadageted. Angante amben derna-lingan kristun lingan ayirtai, bibolan saring ahiman asaiben dete.

Jajzngante ate ardurditeji, angante amben hanangan atiyte, angante kun ahiman batte adakute, bigarda kitunganji saring, kan batte sanayaman dete a pwrardanji Kristu lingan. kan ambrij akorana er janajated. Bibolan gamte: “Bar Kristun do Belial (manan, pintu janggardan), iten a jongjong monnan? Do derna mar, er derna maran ampara iten a artanurdun? (2 Korintia 6:15). Tumadgijmar Eliya gamle sisbongda a t’od, “Jajing ayam sikoija amben enegoi bagu ahiman batte adakuten? Bogad Gamangtungan na Kitungan, sandungba; bindo bogad Baal, sadungetenden.” Anlendaman anabjadtanabe kan apsele.

Angante anlen Kitungan abirindaling yirtaibe, Anin kuddub bartabmete. Gamangtungan gamle: “bar Kitung-Hen ahiman, do Kitung-Hen a gardan, manan, ruangan saring Kitung-Hen amang saring a latsoten a tabme-Hen anin amang lingan idoltai” (Anabpungge 3:12).

Ateng derna buhang tonananji daku, ayengan amandranji sarigoi adnabhananeji, aninji ahimanji abandalenji asan, itente aninji amanganji a dernanji dakule. Ahiman, bigarda kitunganji, anangan dete papwr ahiman batte. Do amben kun ambrij alumdong. Angante amben tabubdan a tiyte, kuddub papwrgodan surpidan surpidle Kitungan a birindan amaidamten. Kun asan, amben bibolan saring ahiman a sedaben dete.

Kitungan a pasijanji, angante amben tabme garadilan adele, amben janang tanunjing-lingan do kanalkal-lingan a yirte. Bindo angante amben man’oihan batte a jate kudduban uggarben batte, Anin ahiman gugudage dete, amben galamle arabtite itente akanalkalanji erobjongdage ted kun ate ganalaman dete ayirtaihen a denna ling. Kitungan d’ong ben tabme ahiman tiybenten, do aten asan boi boi bangsa ahiman batte aganudingan.

Okiy Kinolbe absele: “Gija, Hen d’ong-nam aboi tabme do aswb arabha pattaiya-dangan abmetai; aman barunji abhale abrardaite, ambrij abmete” (Jisaya 41:15).