Jan 05 – Notun Mon!

Ezekeil 11:19 ami dhali dibo notun atma tai khan te, aru ulai dibo pathor mon tai khan laga gau pora, aru dibo tai khan ke atma gau laga.

Christian laga jibon tu hoile bishi aste pora hi thi jai, jote apuni notunanubhav khan pai.pobitro kotha te koi Ezekeil 11:19 ami dhali dibo notun atma tai khan te, aru ulai dibo pathor mon tai khan laga gau pora, aru dibo tai khan ke atma gau laga. Apuni laga mon tu kityabi khali nahobo lage, hoilebi bhorta thakibo lage pobitro atma pora.

Ekbar bhaban kuribo ekta aina laga daba junntu zeher laga hawa pora bhorta ase. Kinika auni hilai le bi aru ulata korile bi, itu zeher tu daba laga bhitor te hi thakibo. Judi itu zeher laga hawa tu apuni ulabole mon jai toh apuni itu daba ke pani pora hi bhorta kuribo lagibo. Jitya itu pani pora bhorta hobo, itu zeher tu ulai jabo aste pora. Itu nishina hi, apuni jitya pobitro atma pora bhorta hoi sob biya khan ulai jai aste aste aru apuni ekta notun atma hoi jai.

Itu bishi khatra ase jitya apuninijor laga dimag aru atma k khali rakhe. Jitya ami khan swarg te jaobole hobo sob biya khan atma pora ulai jabo. Mudu khan laga atma, biri kha laga atma, gussa hua aru abhiman kura laga atma khan sob ulai jabo. Juntu homoi itu ulai jabo, titya bhi apuni nijor laga mon atma ke Isor laga pobitro atma pora bhorta kuri dibi.

Jisu koishe: jitya ekta biya atma manu ppora ulai jai, tai sukha jaga par kure, ahram bisari kene aru thakibole ghor bisare. titya tai koi, “ami ghuri jabo utu ghorte jote pora ami ahishe”. Aru jitya tai ahe, tai utu ke khali pai, aru thik pai. Titya tai jai aru ane thai logote sata alag atma tai pora biya khan ke, aru tai khan ghusi kene tate thake; aru itu laga ses homoi te itu manu age pora bi ya hoi jai. Matthew 12:43-45

Itu karone apuni khan manu ke Isor laga pobitro atma ke chubole laga rasta dikhabo lage. Ekta bachi ja atma ke isor laga mondir kuri kene pobitro atma pora cholabole dibo lage. Isor laga bacha khan, apuni khan khan chuni loa ke ekla khushi nahoi kene atma alag bi bishi bachai diya ke khushi hobole bisaribo lage aru tai khan ke pobitro atma laga rasta te loi jabo lage.

Aji bhabna kuribo le laga pobitro kotha tu hoile joel 2:28 aru itu par hobo ki ami ami laga pobitro atma ke manu khan laga gau uporte dhalibo; aru apuni laga lora suawali khan prophesy kuribo.