Jan 04 – Notun kisim pungcha laga!

Hebrews 10:19-20 itu karne kokai bhai khan, thaki kene mon dangor ghusi bole karone pobitrota te Jisu laga khhun pora, aru ekta notun jinda thaka laga rasta juntu tai ami khan karone bonaishe, porda pora, juntu tai laga gau ase.

Isor tu ekta notun pohunch ase apuni khan karone hodai laga jibon thakibole nimite. Jitya apuni ghuse sobse pobitro jag ate itu notun puncha laga rasta pora, apuni khan dikhibole paribo Isor laga mohima, apuni laga suku pora aru tai laga mohima te uthibo.

Itu notun pungchibole laga rasta tu pabole karone, Isor pora tai laga nijor gau tu bhangaishe, juntu hi amikhan majote porda thakishe. Utu homoi te hi jitya tai laga gau te krus te dhali bole nimite dishe, mondir laga porda bi upora pora niche tok phati jaishe. Itu pora hi pobitro aru bishi pobitro majote thaka tu hatai dishe. Ior pora itu korishe, kile koile apuni khan tai laga mohima pabole nimite utu pobitro jaga pora aru apuni khan bi tailaga mohima thaka tu anibhav kuribole nimite.

Ekbar ekta manu sadhu sundar singh ke tai laga khandan manu pora hudishe, “ki iman khas ase Christian hua tu juntu alag dhorom te nai? Judi apuni amike itu kobo ami bi ami khan laga dhorom laga kotha ke kobo.” Sadhu sundar singh pora nomro hoi kene koishe, “iku bi inika dhorom nai juntu Isor jisu Krista laga morom aru jaan diya ke milabole paribo. Tai laga gau tu amikhan karone dishe aru khuli dishe amikhan ke Isor Jehovah laga mohima aru morom ke janibole karone. Inika nisina apuni laga dhorom te bi ase naki?” utu khandan mamnu pora itu laga jawab iku bi dibble paranai.

Poila aposatle laga homoi te, tai biswasi nahua agete, tai bishi suku jula laga thakishe tai lag dhorom loi kene. Aru tai laga dhorom laga josh pora hi tai lag moksod tu Christian manu khan ke khotom kuri dibole laga thakishe.

Hoilebi tai jitya Damascus laga usorte ahishe, Isor laga achurit ujala tai uporte ahishe. Titya tai mati te giri kene koishe, “kun ase apuni Isor?” itu ekbar Isor ke lok paa tu tai laga jibon hi pura bodli hoi jaishe aru tai ekta notun manu hoi jaishe. Juntu hath tu girja khan ke bhanagai thakishe, utu hath pora hi notun girja baani thakishe. Isor pora tai ke tagot di kene epistles khan likhi kene girja te dibole dishe.

Isor laga bacha khan, mon khushi thaki kene age jai thakibi itu te punchibole karone ki Isor pora banaishe tai laga gau bhangai kene, amikhan ke mohima laga jibon dibole nimite.

Aji bhabna kuribole laga pobitro koth atu hoile Acts 9:17 bhai saul, isor Jisu jun apuni ke dikhibole dishe rasta te apuni ahi thaka homoi te, tai amike pothaishe ki apuni pabole apuni laga suku pora aru bhorta hobole pobitro atma pora.