Jan 03 – Anouba lambi!

“pap chenba mi amabu aranba lambidagi amukka achumba lambida hanjinbiba mi aduna sibadagi thawai amabu kanbibani  aduga pap mayambu kupsinbibani haiba ningsingbiyu.” (James 5:20)

Masigi verse asida Prabhuna aranba lambida chatliba mi adugi maramda wa ngangi. Aranba lambida chatliba mi adu aroiba da aruba komda puthagani. Anouba aphaba wapao, anouba thamoi, anouba thawai amadi anouba esei phangba asida hekta okle haiba yadri. Eikhoina Iswardagi lapthokkhraba misingbu Iswarda amukka hanjinnaba kanna hotnagadabani.  Makhoida anouba aphaba wapao asisgi maramda wari sabiyu,  aduga makhoigi punshi nouhannaba  mateng pangbiyu.

David ki punshi yengba matamda mahakki hakchang gi apamba aduna mahakpu ngammanbana mahakki lousing mangkhi aduga mahakki lam serannakhi. Mahakna atoppa nipa amagi nupi bu pamkhi, aduga mahakki nipa adubu hattokpikhi,maramdi mahakna nupi adubu pambi aduga louningkhi. Mahakna madugi lambi aduga adum chatpa tarabadi mahakki punshi adu sathina khudong chadaba oigani. Adubu maichou Nathanna madu oihanningkhide. Aduga Davidna matom ta leiba matamda mahakna heisingna wari amasi libiraga mahakki pap sing adu khanghankhi,aduga mahakna amukka hanna aphaba lambida hanjinbikhi.

Davidna madugi matung da  iramba     psalm adu ngasiphao lam serannakhiba misinggi damakta lamjing lamtakpa ama oiraga leire. Thamoi kaibaga loinana pukning honglaga Iswarda laknabagi damakta mateng oiri. Masina eikhoibu asumna asa pibi, haibadi eikhoina  Prabhuda hanjillabadi mahakna eikhoibu kokpigani aduga eikhoibu anouba punshi pibibada mahak thoujal heibani.

Matam amada nupi amasi leirammi mahakna haraona macha aniga punna leirammi. Mahakna pap ta taduna mahakki nupa adubu minamkhi. Mahakna atoppa nipa ga mari thamle haibadu mahakki nipa aduna khanglakpada mahakna  matomta sijage haina sleeping tablet adu dose chaona chasillage haina warep loukhi. Matam aduphobada Isawrna nupi adu thoujanbikhi aduga mahakki manai singgi marakta ama thabikhiduna nupi adubu nungshina wari sabikhi. Nupi aduna pap  haidoklaga pukning hong khi aduga Iswarda hallakkhi. Mahakki nipa aduna thoujanga loinana lousinnaba Iswarna thoujanbikhi. Madugi numittudagi houna mahakki punshi adu ahongba ama oikhi aduga haraoba amadi ingthaba oikhi.

Iswar gi machasing, nahakki punshigi hiram khudingmakta Iswarna phibam yengdana nungshibi. Pukning honglaga Iswarda hange haina laklaba mising khudingmaktu mahakna anouba punshi pibibani. Mahakna thoujalga loinana makhoibu anouba thoujal pibibani. Mangonda changjarakpa mi khudingamktu mahakna makhutta paibigani aduga anouba lambida chingbigani.

Dhyan tougadaba: “houjik nakhoi paptagi ningtamhallabanina,aduga Iswargi manaising oirabanina,nahakna asengbada mahei yalle,aduga aroiba adu lomba naidaba punshi oigani” (Romans 6:22)