Jan 03 – Notun rasta !

James 5:20 Tai ke jani bole dibi tai jun hi ghuri jai tai laga galti rasta pora tai nijor ke hi mora laga rasta pora bachai di ase aru sob pap khan ke dhakai di ase.

Itu verse te, Isor koi tai khan laga kotha jun hi galti rasta te jai. Jun khan galti rasta loi tai khan dangor gadha te hi giri jai. Itu khali kafi nahoi ki ami khan gospel laga jibon tu anubhav koribole, ekta notun mon, notun atma aru notun gana loi kene. Ami khan bi zor dibole lage utu khan ke jun khan galti rasta te berai ase aru tai khan ke Isor lga arast te anibole lage, kobi tai khan ke Isor laga kotha aru notun banai dibi tai khan laga jibon ke.

Jitya apuni david laga jibon ke sabi, tai tu gau laga lobh te bhorta hoi jaishile, aru tai laga budhi sob  harai lishe aru tera rasta te jaishe. Tai manu laga maiki ke lobule icha kurishe aru utu mota ke morai dishe tai laga maiki ke lobule karone. Tai bishi biya pora muribole thakishe judi tai itu rasta te hi berai thakibole asile. Prophet Nathan pora taike itu rasta te hi charibole mon thakkanai. Toh jitya david ekla thakishe, tai bishi chalak pora hi taike ekta kissa koishe aru taike pap laga rastae ki biya ase itu ke janibole dishe aru taike sahi rasta te wapas aniloishe.

David pora likha psalms itu ghatna hua pichete, itya bi itu manu khan ke galti rasta pora ghurabole bishi modot kure. Itu pora hi manu khan ke pap te thaki kene bi sorom nakuri kene isor laga agete ahibole himot  diye. Psalms te itu bi shikai ke ki isor tu bishi morom ae ki tai pora khemai kure amikhan laga pap karone aru ami khan ke ekta notun jibon diye.

Ekbar ekta maiki thakishe jun hi sadi kuri kene duita bacah bi thakishe aru bishi khushi te thakishe, tai pap te giri kene dusra mota logote berai thakishe. jitya itu maiki laga mota pora janishe ki tai laga maiki dusra mota logote berai ase koi kene, utu maiki tu nijor ke morai dibole kuchis kurishe dawai khan I kene, utu homoi te Isor pora morom lagi kene tai laga biswasi ke utu maiki laga ghorte pothaishe aru utu maiki ke bujaishe. Utu maiki bi galti tu swikar kuri kene Isor laga rasta te ghuraishe. Aru Isor bi utu maiki laga mota ke taike aru lobule nimite mon tu bhal kuri dishi. Utu din pora utu maiki laga jibon tu morom pora I bhorta hoishe aru shanti pora jibon thakishe.

Isor laga bacha khan, sob homoi te bi ami khan laga jibon te, isor ami khan ke narukhi kene morom kuri thake. Tai rukhi thake ami khan ke aru bi notuun jibon dibole nimite jun khan tai khan laga pap karone khemai mange aru aru isor laga rasta te ghurabole mon thake. Tai bishi morom kure aru amikhan ke ashirbad pora hi bhorta kuri diye. Isor hi dhuribo tai khan laga hath jun khan kandi kene tai logote ghuri kene ahibo aru taikhan ke notun rasta dikhai dibo.

Aji bhabnakuribole laga pobitro kotha tu hoileRomans 6;22 hoilebi itya ase mukti hoi kene pap pora, aru ase hoi kene isor laga naukar, apuni ke ase phal pobitro laga, aru ses te hodai din laga jibon thakibo.