Jan 02 – Notun din khan!

Lamentations 5:21 ghurai dibi amikhan ke apuni logot, oh Isor, aru amikhan tu thik hoi jabo, notun kuri dibi ami khan laga din khan purana din nisina.

Itu jeremiah laga prathana thakishe din khan ke notun kuri dibole. Tai khali mamuli din ke thik kuri dibi kua nahoi hoilebi notun kuri dibole utu purana din khan ke.

Kiman bi bhal thakibo judi apuni khan bi purana din khan aru bi wapas pai ke bhal khan anubav kuribo parile. Ekbar bhabna kuribi utu purana din khan ke. Utu din khan jitya Isor upor pora xprithibi te ahishe manu khan ke bisari kene, din khan jitya tai thanda te manu khan logote beraishe, utu din khan jitya manu aru Isor majote bishi bhal mili thaka laga thakishe, utu din khan jitya manu narukhi kene Isor ke khushi pai thakishe.

Ekta jawan manu bishi bhal parivaar thakishe aru tai laga am baba, bhai buini khan bi bhal thakishe. tai bishi bhal thakishearu Isor logote bi bhal rishta banai kene thakishe tai laga jawan din te. Hoilebi jitya tai dangor hoishe, tai biya rasta te jai jaishe tai laga sathi khan logote. Kilekoile tai prithibi laga icha khan te berai thakishe tai bishi biya bimar lagi jaishe. Tai laga pet nari tu puchi jaishe aru bishi biya gundhai thakishe. aru jitya tai murible thakishe itu homoi te hi bhabna kurishe ki tai kiman dur ahi jaishe tai laga pura din khan pora itya tai Isor logote bishi bhal rishta thakkishe. Tai kandi she Isor laga agete tailaga pura din khan aru bi notun kuri dibole .

Utu homoi te ekta Isor kam kura manu taike ekta verse puri kene hunaishe jeremiah 18:4 aru itumati pora bona borton tu norom hi thakishe utu bana manu laga hath te; oth tai aru itu ke alag borton te banaishe  aru itu hi bonabole bhal lagishe.

Aru Isor jun hi prithibi banai, hunishe taikhan laga prathana khan  ke aru utu manu laga jibon tu notun kuri dishe aru tai laga bimar sob bhal kuri dishe. Hodai din amkhan logote thakibole diya tu hoile Isor laga khemai pora hi ase. Bishi manu ase jun khan muri jaishe. Itu karone hodai din  apuni logote thaka tu apuni Isor laga naam ke asish kuri kene tai laga naam uncha kuribo lage aru utu din ke ekta notun jib paa nishina isor laga kam kuri thakibo lage.

Jitya itu prithibi te iku bi thakanai Isor pora hi itu te sob banai kene itu ke ekta alag jibon dishe. Jitya manu khan isor logote thaka rishta tu harai loishe, Isor hi itu prithibi te ahishe amikhan laga purana din tu ghurai kene notun banabole aru Isor logote bhal rishta thakibole nimite. Oh isor laga bacha khan akha ase ki Isor ppora hi apuni laga jibon aru sob kam khan notun banai dibo aaru apuni kea shish kuribo.

Aji bhabankuribole laga pobitro kotha tu hoile 2 Peter 3:13 narukhi kene amikhan, tai laga kosom hisab te, sabole lage notun swarg aru ekta notun prithibi jote tai laga hosa thakibo.