Jan 02 – Tabme Dinnan!

“E Gamangtung, mangba-Nam d’ong-len abdaiyarren, etteden anlen daiyarre a yertai.Purban a dinnanji ambrij tabme ayaman d’ong-len tiylen” (Edana 5:21).

Kan aboi Jirimiya a garberan dakule bartabmeben dinnan apsele. Anin kayatingge adgarberadbartabmeben asan bindo a talaidba ayamling bar-tabmedam-naben asan garberle.Yan a  banangsan kan ate,  bogad amben janang  maimaile  a  galamte  ayerre  a papwrdinnanji.Purban a dinnaji abmele ogandile gijba.

Kun ayam Kitungan labsole ordar lingan mandranji ad’ong iayaiten saje, kun a dinna angante mandran batte haneten sanabyu-lingan bangsa tanurdunbatte Kitungan do mandran, kun a dinna angante mandran Kitung ling m’oihle.

Bo dangardan boi boi bangsa birindan dakule tanimih lingan a u’a-yanganji, bohang do tonananjibatte. A dangardan a yam-ling Anin aboi Kitung-lingan dakule. Bindo angante anin surdale, aninpintu lingan abhanadamneten a gardinji batte. Ettigoi anin ordardage a mandrengna abhanalen,bo dinna anin bimbiman hangle. Anin boi kalkal dele.

Do angante anin a kaihben ardule, aninogandile   jajing   a   sagai   yirle   papwr   ayam   Kitungan   amang   saring.   Anin   boi   boi   edaneten‘bartabmedamnaben asan a talaiba ayam lingan.Kun ayam  Kitungan   aboantan   Bibolan   kznol-le   do   garberle.

“Do bo  jobba   solan   batte  labodangan   gabdille;   bar   okij   bargabdile,   kumbijan   ambarij”   (Jirimiya   18:4).   Do   Kitungan-naruangan   a   kumbij,  garberan   amdangle  do   bartabmele  mandrengna   do  bimbiman  saringabsamangle.Dile dinnan Kitungan a ganugu taniytiyan a dinna. Ateng mandranji ordaran omdrengle yirleji.Anten asan, dile dinna a hangten, amben Kitungan a d’ong abguguben do senkenraben dete, botabme mandrengna abhananaben sanaisai.

Angante ordaran ergadilege  dakule, Kitungan bar gabdile do a taramtaman panglai.  Angantemandran Kitungan a d’ong karidale do Kitungan a tanihling saring sagaile, Anin a suyeman battebarij dele do ordarba yirrai bartabmeben asan. Tanahimdam Kitungan a onagji, mandrengnabenKitungan bartabmeate, tabme dinna tiyle absittamte!

Okiy   Kinolbe   absele:   “bindo  Anin  a  tam  sanibdaijan  ambrij  itente   lingan  ranoitadan  dakutenettegoi na bo tabme riangan do tabme ordaran apsele anlen angtzrtabe” (2 Pitor 3:13).