Jan 01 – Notun saal!

Psalms 65:11 apuni mukut lagai notun saal ke apuni laga bhal pora, aru apuni laga rasta bhorta hoi ashish pora.

Ami laga moror thaka salam janai di ase notun saal laga Antantulla Appam laga subscribers khan ke. Ami naam uncha kure aru dhonyabad kure Isor ke tai laga khemai pora amikhan ke notun saal pabole diya.

Isor apuni khan upora te bi inika hi sundor asish dibole dibi aru tai laga morom aru khemai pora hi bhorta hobole dibi, apuni khan bi notun saal ke shuru kura homoi te tai apuni khan logote thaki kene.

Ami khan laga Isor notun saal ke tai laga bhal aru morom pora hi mukut lagai diye. Tai bishi utsuk ase apuni khan ke bhal te bhal khan dibo le nimite itu notun saal te.

Isosr tu age pora hi itu notun saal 2022 ke tai laga morom aru khemai pora bhorta kuri ken ease aru apuni laga agete rakhi ken ease. Kile koile tai age pora hi itu 2022 laga saal ke tai laga morom pora bbhorta kuri ken ease apuni laga sob rasta bi asish pora hi bhorta hobole ase. Itu karone, tai laga theng te rukhi thakibi  itu ashirbad ke pabole nimite tai pora apuni khan karone rakhi thaka tu.

Isor tu rukhi ase tai laga asish apuni  khan ke dibole nimite. Itu notun saal tu ashirbad pora bi bhorta hobole ase.  Judi apuni laga rasta khan ashish pora hi bhorta hoi, itu bishi zaroori ase ki apuni khan  apuni khan laga bhal din te Isor ke yaad kuri kene thakibole nimite. Pobitro kotha te koi proverbs 3:6 apuni laga sob rasta tai ke janai dibi aru tai pora hi apuni ke utu rasta te loi jabo.

Jitya apuni sob rasta tu Isor ke di diye aru tai ke yaad kure apuni laga sob kam te, apuni laga rasta tu didha thakibo aru tai laga morom aru asish pora hi bhorta thakibo. David pora notun saal ke Isor laga hath te dishe aru tai laga mahima kuri kene tai ke sheva kurishe. Tai jitya notun saal ke sishe, tai saishe Isor pora taike rakhi dya ashirbaad aru morom ke saishe. Jitya apuni bi inika kuribo, Isor bi apuni laga notun saal ke inika hi tai laga morom aru asish pora bhorta kuribo.

Isor laga bacha khan apuni khan bi itu notun salt e bishi guna age barhu bo. Isor jun hi bhal ase tai apuni ke dangor banabole rukhi ase. Tai apuni laga agete ja homoi te apunikhan bi pura mon di kene khushi hoi kene tai laga rasta te berabi iku bi bhoi nakuri kene.

Aji bhabna kuribole laga pobitro kotha tu hoile Hebrews 2:7apuni pora taike olop chutu duth khan pora banaishe; apuni taike mukut lagaishe achurit aru sonman pora, aru lagai dishe taike apuni lga kura kam te.