Dec 31 – DEV ACHAMKALA KAAM KARACHA

Yehoshau 3:5Ajji Yehoshau  savar thamar vacha Yehova achamkalaro  Ann ascharyar kaam karevalo cha jethi thamar tham shudh karlo kan jannen agna dino.

Yee varaser aakharir daader vagathema thar jeevano sammor chakey chenika kan pariksha karlen parishodh karlenu. Navvo varsema thona thuj samsidh vethani Dever hathema haval karler seekhnu.

Yesu Prabhu thona prathyekvadi yee navvo varsema ashish karar thar mundag chalnu kelerocha. Heryek daaden achamkalaro kaamethi chalavnu kelerocha. Vor ashishena Ann ann achamkalaro kaamen palenu katho thon thuja sudho Dever vatema sammorethi chalen thayar venu.

Aaj padejako vachanen dhyan karatho Yehoshau kerocha savar thamar vacha Yehova achamkalaro  Ann ascharyar kaam karevalo cha jethi thamar tham shudh karlo kan jannen agna dino. Kai achamkalaro kaam Dev vunden kariye? Vu vagathema Deve kunas ascharyar kaam karevalo cha? Agedi vo Canan deshen javnu katho Yordan nandin datan javanu lagacha. Khethvadima pantan pachayer vagathema sari Yordan nandi panithi bharan porlan parukaracha. Yee pani ghano shakthithi paran javukaracha vo panir joren kassek sainik rathoi voralden dagarjavacha. Yee vela Hano ratho beptavo Ann yadivo ku vo Yordan nandir panin langan Canan deshema jaye?

Lapan Yisraeleval vunden voj shudh karlatho vunder vacha achamkalaro kaam karen Dev siddhavagi cha. Kannavatho Yajak vo nandir panima taang meleko jannaj vu Yordan nandir athra jorethi aaro jako pani yek kuppar nai hubargi. Vomaj Yisraeleval chalan jayen nandir pani thaman vaat naikalgicha. Geed bolevalo Daveed  hanu Yordhan nandin puchacha, Geeder Grandh 114:5, 6 Ye  samundrer thu cheti dhasenan, Yordan thu hoto pharenan, ye gatlavo tham gorlar nai, gatliyo tham gorlir peelpilar nai vachkalena thamena kai ayo? Yee savalen Yordhan nandi kuman samadhan diya katho,” Dever beptavo najavaju ma ku thamer viya?

Ann vo viswas melmelejako kervumper malamka? manna srushti kidojena Ann manna niyanthran karevalenaj. Jervasu Yee mar daller asa kaikatho Dever beptavo Canaan deshema javnu kajakonaj.

Mar premer Dever beptavo thon thuj shudh karlen thayar rastho Dev sidhavagi cha achamkalaro kam karena. Jethi aajaj thu Pavithar karlen readiga ratho vu Dev sada leko ghalen venijathra ashishethi yee avajako navvo varasema bharan vu Dever hathethi chalavacha.

Ajji jada dhyan karen pado Geeder Grandh 136:4 Vu yekloj mot achamkalar kamen karevalo cha;Vor karuna hamesha racha.