Dec 31 – Isor tu kore achurit!

Joshua 3:5 aru Joshua koishe manu khan ke, “pobitro kori lobi nijor ke, kilekoile kali isor apuni laga majete achurit khan kuribo”.

Apuni khan bi sal laga ses din khan te nijor ke bhabna kuri kene bohibo lage ki kinika apuni laga jibon cholabo. Itu homoi te apuni khan kinika aha laga notun salt e bi jabo itu karone nijor ke thik kurilobo lage, aru nijor ke isor laga hath te dibo lage.

Isor tu icha kure apuni khan ke alag pora hi ashish kuribole itu notun salt e aru apuni laga agete te hi jabole mon. tai icha kure sob din notun sal te achuritg kam kuribole. Aru apuni khan bi nijor ke thik kuribole lage aru pobitro kuribole lage Isor laga ashish pabole nimite.

Bhabna kuribi Joshua pora Joshua 3:5 te koa tu “pobitro kori lobi nijor ke, kilekoile kali isor apuni laga majete achurit khan kuribo”. Ki achurit kam kuribo Isor tai khan laga majote? Ki achurit kam khan lagi thakishe Israel manu khan utu homoi te? Tai khan canaan laga mati te jabole nimite toh poila Jordan nodi ke par kuribole lage. Jordan nodi tu hoile ekta bishi dangor nodi thakkise. Itu laga leher tu bishi tagot thakishe ki tagot thaka manu khan ke bi dubai kene loi jabole pare. Jitya inika hi thakishe toh kinika Israel laga maiki aru bacha khan itu nodi ke par kuribole paribo?

Hoilebi jitya Israel manu khan nijor ke pobitro kuriloishe, Isor tu tai khan majote achurit kurishe aru jitya itu bamun tai laga theng pani te rakhishe Jordan laga pani sob bhag hoi kene bera nishina khara hoi jaishe. Aru inika hi pani ke rukhai dishe, Israel manu khan karone rasta bonai kene.

Jitya david pora itu bhabna kure, tai Jordan nodi ke kiba hdibo mon thakishe. Ki pora bhoi khaishe apuni , oh nodi ki apuni polaishe? Oh Jordan ki apuni piche jaishe?{psalms 114:5,6) itya bhabna kuribi ki jawab thakibo pare Jordan nodi laga? Itu nodi pora inika koishe pare: kiniksa ami Isor laga bacha khan ke rasta nadibo? Tai khan taikhan laga Biswas Isor ke dishe jun hi ami ke banaishe aru amike cholai. Itu ami laga icha aru khushi ase ki Isor laga bacha khan canaan laga mati pabo.

Oh Isor laga bacha khan, Isor tu dangor kaam khan kuribole icha ase apuni laga jibon te jitya apuni nijor ke pobitro kurilobo. Itu karone nijor ke pobitro kori lobi aji aru apuni bishi ashish rasta khula dikhi pabo itu notun salt e.

Aji bhabna kuribole laga pobitro kotha tu hoile psalms 136:4 taike ekla jun dangor achurit khan kure, kile koile tailaga morom hodai thake.