Dec 30 – Shanti Isor laga rasta te!

lagate, rasta dikhabole amikhan  ke shanti laga.

Sob rasta Isor laga loi jai amikhan ke shanti aru khushi te. Sob Isor laga bacha khan tinta kisim laga shanti thakibo lage. Poila, shanti Isor Jehovah logote. Dusra, shanti manu khan logote aru tisra shanti nijor logote.

Sobse  poila amikhan shanti isor logote thakibole lage. Pobitro kotha te koi Romans 5:1 itu karone, Biswas te thaka karone amikhan shanti ase Isor Jehovah logote ami khan laga Isor Jisu Krista pora.

Dusra, amikhan shanti manukhan logote bi thakibo lage. Judi apuni khan manu logote mon tita hoi kene ase aru badla lobule mon jai, itu ke jabole dibi aru map mangibi taikhan ke aru taikhan logote milibi. Apuni khan kun bi dushman thakibole nalage satan ke chari kene.

Amikhan laga Isor Jisu Krista  tu shanti laga raja ase (Isaiah 9:6) Shiloh-shanti diya laga(genesis49:10) aru shanti mana laga (micah 5:5). Pobitro kotha te koi: tai nijor hiamikhan laga shanti ase, jun itu duita ke bonaishe, aru jun pora majete bera thaka tu bangai dishe, aru bon kuri dishejun hi  mangso te dushman ase, niom khan, kilekoile nijor ke notun aru duita te bonabole, itu pora hi shanti banai aru itu pora hi tai milai dibo isor logote ekta hoi kene krus pora, itu pora mora ke dushman bonai kena. Ephesians 2:14-16)

Tisra tu apuni khan nijor logote shanti thakibole lage. Kunba khan tu nijor ke galti bhabna kuri kene rati din te bi thake. Tai khan nijor laga shanti harai loi aru nijor ke map kuribo napari kene thake. Btai khan sob homoi ye bhabna kuri thake ki tai khan inika kuribo nalagishile, inika kobo nalagishile. Tai khan nijor ke hi dosh di thake galti bhabna kuri kene ki tai khan karone hi inika hoishe koi kene. Hoilebi ekta biswasi hoishe koi le apuni khan nijorr laga sob galti khan tu Isor laga thengte rakhi kenenijor laga atma shanti te rakhi kene prathana kuribo lage Ior ke. Ekbar a puni inika kurile apuni Isor laga shanti pora bhorti hoi jabo juntu itu prithibi pora dibole naparibo.

Amikhan laga Isor jisu Krista koishe: shanti chari ase ami apuni logote, amilaga shanti ami apuni ke di ase:juntu prithibi pora nadiye ami di ase. Hobole nadibi apuni laga monke dukh, aru bhoi bi hobole nadibi.(john 14:17) oh Isor laga bacha khan, tai pora apuni ke dangor dibo koi kene kosom dishe. Aru tai hi ekta bhal rasta dikha laga ase jun apuni ke bhal jagate loi jabo. Tai pora apuni khan laga theng shanti laga rasta te loi jabo.

Aji bhabna kuribole laga ppobitro kotha tu houile Isaiah 26:3 apuni pora tai ke thik shanti te rakhibo, jun lga dimag apuni te ase, kile koile tai apuni ke Biswas kure.