Dec 29 – Isor pora hi apuni ke cholai kene loi jabo ses homoi tok!

Phillipians 1:6 tai jun hi suru kurishe bhal kam apuni te, khotom kuribo ituke Jisu Krista aha laga din tok.

Isor pora hi apuni ke cholabo aru loi jabo lagatar, hodai din apuni laga jibon te. Tai pora hi apuni ke shanti laga rasta te loi jabo tai laga icha hisab te. Aru loi jabo apuni ke hosa laga rasta te. Itu upor laga verse te koi ki tai pora itu kam ke pura kuribo Jisu Krgista naha tok. Hisabte jun apuni laga hath dhurishe, tai tut ran korta ase. Tai pora apuni ke naam pora matishe aru apuni ke cholabo hodai din karone.

Jitya apuni chutu thakishe, apuni laga baba pora apuni ke hath dhuri kene berabole shikaishe pare. Tai pora apuni khan ke khushi kuribole walker aru tricycle khan bi ani dishe pare. Jitya apuni dangor hoishe itu homoi te bi tai pora apuni khan ke kinika thakibo lage itu shikaishe pare. Hoilebi it utu prithibi laga baba hi ase, hoilebi itu Isor hi ase jun apuni logote ses homoi tok thakibo aru apuni ke kitya bi nacharibo. Pobitro kotha te koi Psalms 48:14 itu Isor hi ase, amikhan laga Isor hodai hodai karone; tai pora hi amikhan ke cholai thakibo namura tok.

Ek din Isor Jisu pora peter ke saishe aru koishe:jitya apuni chutu thakishe, apuni nijor laga icha pora khushi khushi beraishe; hoilebi jitya apuni bura hoi, apuni laga hath agete rakhikene alag manu pora hi apuni ke loi jabo jote apuni khushi nai, john 21:18.

Peter laga chutu homoi te tai nijor laga icha argu khushi te hi berai thakishe. hoilebi pichete, taike apostle hobole matishe toh taike khali pobitro atma laga khushi hisab te hi cholaishe judi bi peter khushi nai taike isor laga icha pora hi chulibo lagishe.

Apuni bi Isor laga icha hisab te berabole mpn ase? Titya hoile apuni khan bi nijor ke pobitro atma ke dibo lage. Ami khan laga Isor Jisu koishe matthew 7:21 naparibo sob jun amike Isor Isor mate, swarg laga rajyo te ghushibole, hoilebi tai paribo jun ami swarg laga baba laga icha te berai.

Itu nimite david prathana kure “cholabi ami ke hodai din karone” psalms 139:24. “Itu karone, ami laga naam karone, amike loijabi aru cholabi” psalms 31:3. Oh Isor laga bacha khan nijor ke pura Isor ke dibi aru pobitro atma hisab te chulibo dibi.  Aru itu hi thik rasta hobo. Aru itu pora hi apuni ke hodai din laga mahima laga rasta te loi jabo Isor laga icha te.

Aji bhabna kurible laga pobitro kotha tu hoile Isaiah 48:17 inika koi Isor amikhan ke bachai diya, jun Israel laga pobitro ase: ami Isor ase Jehovah, jun apuni ke sikhai lab hobole, jun pora apuni ke loi jai jote apuni jabo lage.