Dec 29 – KITUNGAN A TANAKUDAN SIKKOI JA DARDIBENTEN!

“Butente bangsa baran susuneten, Anin Jisu Kistun a dinna sikkoi ja antate hadab abmete, gamle hen raduloge dertenai” (Pilippi 1:6).

Kitungan sayamlangten do tagorlangten dile tordong, mandrengnaligben. Anin sayamlangten sanabyun a tagorling do a itsuman ambrij. Janardin-lingan Anin tagorbenten. Angante gijtabe Anin gamle Anin tabkudte Jisun Kristun a denna sikkoija. A jardinna, butente abj’on-s’iten, dernadam. Anin ahimben batte gudingte. Do Anin erahid-mandrengna sikkoija tagorlangten.

Angante amben passij dakulaben, u’aben pedde tagorbenten ahanaben asan. Aninji d’ongnam abhanale abm’oihlabenji cykolan batte. Angante amben amarangle, mandrengnam yangam adhanaben dete hanghanglamji. Kan ambrij ordardage a u’a, sattang Kitungan ordaran atanakudan sikkoija tagorlangten, er karidalabe do erumrenglabe. Bibolan: “Iten asan gamlenden kan a Kitung, tarda ayam sikkoi ja Kitung-len dete; Anin karahid sikkoi ja Apsuigod Mar-len dete.” (Sanenken 48:14).

Bo denna Gamangtungan Pitor amangba gijgijle gameten: “Jarditen gamle Hen opungtam, aman danggardalen adnang amandam jidublen do uante aman itsumle tetten andungle. Bindo aman talaibaten adnang aman urpadsite, do bo bzgarda mandra abjidubtam, bar uante aman adnitsume tetten urungtam.” (Jon 21:18).

Dangarda ayam-lingan, Pitor kudi kota hedungle dakule aitsuman ambrij. Bindo tikki, Anappai gamle ganudingan dele. Anta saring Marid Jangardan batte sanayaman dele. Bogad Pitor man’oih adakule janang, Kitungan a itsuman ambrij Marid Janggardan batte tanagoran dele.

Ambendaman Kitungan aitsum ambrij adhanaben aitsumtepo? Amben a surpidamnaben dete Marid janggardan atanurdun ahangben asan. Kitunglen Jisun Kristun gamle: “E Gamangtung, e Gamangtung, gamle a opunglen a dile mandran ruang rajam lingan gante, ette ted. Bindo ruang lingan a dakutenan a U’a-Hen a tam itsum ambrij a lumten a mandran nag ante.” (Mattiu 7:21).

Anten asan Daudo garberlen gameten: “er ahidgod lingan d’ong-hen abanjengih” (Sanenken 139:24). “Iten asan gamlenden Aman areng-hen do banadturna-hen; ahimdam-Nam asan d’ong-hen apsuigodle abanjengih.” (Sanenken 31:3). Tanahimdam Kitungan a onagji, Janggardan batte abanjengben abmele amben surpid-damnaba. Kunina ate sarigoi atagoran. Do amben erahid mandrengna-lingan ganugu batte Kitungan aitsuman ambrij ahaten.

Okiy Kinolbe absele: “Gamngtungan, Tanandz Mar-nam, Israel a Marid Mar, kan a bernan gamte: Butente banangsa-nam asan hanghangtam, do a yerben deten a tangor lingan abanjengtam; Anin Hen na Gamang Kitung-nam” (Jisaya 48:17).