Dec 27 – PRABHU KASSEKO AADMI ?

Luka 19:3 Yesu vu kun kan dekena vaat dhundo ;pan vu potakaso rajethi janner malayema vona

PRABHU KASSEKO AADMI ? Kan masaj puchukarach. Vo hanno puchen karan masaj riyekaiko cha. Jethi Yek sevakarevalo Prabhur vadi hanno ko, ” Prabhu currenter vairy chaju  apan vothi bhalan kaam karnu nathkan vu vair khenchan beganakach”.

Yee vaath kena karan vo sevaker jeevanema ayejako nashta ann kashtar vadithij. Ajjeko hanno ko, ” Maa Dever vadi soch karujanna Mar maando manssakshi chajethi Vor mundag hubarer hathayeni,  ma marjavajer pacha vu Dev kai karachko kan dhak padrochu”. Yee vaath ken vu admi papethi bhararoch jethi vor jeevanema vrudhi cheni.

Ajjek aadmi Dever  vaath kadathoi rees ayevalo. Vu hanno puchacha, Devaj ratho athra loyee kankren radrocha? Kenverijathra maran kankren chalrich? Socher venijathra yudha kankren vericha? Vu hanno kankren ko katho vor yadi baapen yudhama gamalido. Vor ghaver dallema Yesu Prabhuna rakshan devalo kan viswas kidokoni.

Apan Zekkayyar vadi vachan padajanna vu Yesu Prabhur premen valkana vor dallema ann gharema balalen kerdai anyaymethi lelinochko vunden 4 hasso dunchu kan dall badlalino. Kankren katho Prabhu pavithar chajethi masada hannoj renu kan keldo.

Aaj thar jeevanema Yesu Christhu srushti karthar nai, prem karevalo disthidarer nai, ann thar jeevadana prem karevaler nai chake? Von puro dallethi prem karrochika? Hebrivalun 11:6 vachanema dekatho , ” Viswas cheniju Deven kathar vero chalenijako khabar;kimkatho – Dever dai ayevalo Dev chakanan, Vona dhundevalena phal dacha kan viswas karnu.

Mar premer Dever beptavo Prabhur vadi achethi samajlethanu Vo Dever vasu banchen theermanam karla. thu dhundrojako malaju karevalo Dever hathen haval karla.