Dec 26 – Isor pora dibo!

Isaiah 30:23 jitya bi kheti te apuni khan bijon phelabo, Jehovah itukhan ke dangor hobole dibole nimite borkhun pani dibo aru tai apuni khan laga  bisi dhankhan hobole dibo aru apuni khan laga ghorte pala janwar khan nimite bishi ghas thakia kheti khan thakibo.

Isor tu apuni khan ke ashish dibole mon thake aru tai hosa bi apuni khan ke ki bhal ase ituke hi dibo. Scientist khan pora itu prithibi ke tu Einstein laga prithibi hi mate.

Itu tu kile koile manukhan tai ke sobse budhiman aru gyani bhabna kure. Einstein hi ase jun pora atomic theory of matter ke discover kurishe. Tai laga gyan aru budhi tu itu prithibi laga sob manu khan pora jane. Tai tu ekta jew manu thakishe itu karone tai Abraham laga khandan te ahe.

16th aru 17th century laga majete, galileo ekta dangor astronomer thakishe  jun pora bishi dangor discoveries khan kurishe, aru itu te Jupiter laga charta moon discover kura bi thakishe.  Tai bi jonom pora jewish manu hi thakishe. Bishi dangor scientist khan jinika Thomas alva Edison, newton taikhan tu jewish manu hi thakishe. 95% scientist khan tu jew manu hi thakishe. Ki karon thakkibo pare jewish manu laga iman dangor asish thaka tu? Itu tu kile koile Isor tu Abraham ke yaad kure aru tai laga khandan khan  ke ashirbad diye. Abraham tu pura tithe diye tai kamai kura pora (genesis 14:10 & Hebrews 7:2). Itu nishina hi Jacob bi Isor logote inika hi kosom dishe ki tai Isor ke tithe dibo tai laga kamai pora (genesis 28:22). Inika niom khan palan kura pora hi Abraham laga khandan khan ashirbad pai ase.

Second world war te united states aru soviet union khan mili kene Germany ke haraishe. Taikhan Germany ke harai diya [ichete, tai khan scientist khan ke bisari thakishe. Aru sob khan bi jewish manu hi paishearu it utu tai khan laga ggyan aru budhi pora hi Russia pora taikhan laga first space research kuribole parishe. Kunuba scientist khan tu inika bi jun khan space te berabole paribo koi kene koi. Aru USA pora bi jew manu ke hi moon te jabole dishe. Aji laga homoi te bi bishi bhag electronic samankhan bi jew scientist khan pora bana hi ase.

Apunikhan bi Isor ke hath khuli kene dibo lage, jun pora tai laga ekta chokra ke amikhan ke dishe-Jisu Krista. Aru amikhan laga Isor Jisu Krista, tailaga khun sob phelaishe aru amikhan ke bachaishe. Tai nijor ke amikhan karone calvary te uthishe, amikhan ke khemai dibole amikhan laga pap nimite. Oh Isor laga bacha khan apuni khan bi mon khuli kene dibole lage apuni laga morom apuni laga ashirbad paa tu.

Aji bhabana kuribole laga  pobitro kotha tu hoile Proverbs 3:9,10 apunilaga kheti te bhal samann khan khabole hoi ase itu khan Jehovah laga usorte anikene sonman kuribi. Inika korishe koile apuni lag adhan laga jaga hodai bhorta thakibo aru mudu bonabole nimite bisi angur khan joma hobo.