Dec 24 – Isor hi dangor ase!

Luke 1:32 tai bisi dangor hobo aru tai Jehovah laga bacha  hobo. Pormeshwar Isor taike tailaga khandan laga raja David nisina ekta dangor raja banabo.

Isor tu dangor ase aru tai ekla ase jun hi sonman aru mahima laga hokdar ase. Tai ke kun bi milabole napare aru tai sobse alag ase.

Ekbar ekta dangor boxing laga champion thakishe, jun hi sob logote jiti thkaishe. Jitya sob manu khan tai ke sonman dishe aru tailaga naam uncha kurishe, tai tu nijor laga abhiman dangor kurishe aru ghamand hoi jaishe. Aru tai koishe: ami sob tagot thaka manu logote jitishe itu prithibi laga. Judi Isor ase titya hoile taike bi ahi kene ami logote jhujibole dibi. Ami taike bi jitibo aru dikhai dibo ki ami Isor pora bi dangor ase.

Inika koa pichete, tai akash uporte saishe Isor ke jhujibole mon thaka nisina. Aru achanak kote pora ekta bee ulaishe aru tailaga matha te kamurishe. Aru itu laga bis taike lagai jaishe aru tai stage te hi giri kene mori jaishe. Sob manu khan laga agete tai mori jaishe.

Isor tu dangor ase aru kunbi tailaga samne te khara kuribo napare. Pobitro kotha te ekta prosno kure Romans 9:20 amilaga sathi khan kun Isor ke jawab dibole paribo ? ekta mati kolsi banabole manu ke; aru tai ekta bisi dangor kam cholabole nimite aru ekta misa misi kam nimite. Isor tu sob manu pora dangor ase, sob prithibi laga samn pora aru prithibi laga sob sorkar aru rajyo pora.

Jitya apuni Hebrews laga kitab poribo isor laga tagot sob uporte thaka dikkhi pabo. Poila kitab te pabo kinika Isor tu sob duth khan laga isodr pora dangor ase. Hebrews 1:6 hoilebi isor jitya tai laga dangor chokora ke itu prithibi te pathabole asile, tai koise, “sob isor laga duthkhan taike prathana kuribo. Duth khan bi tagot thake, hoilebi  Isor sob pora  tagot thake.

Hebrews laga tisra chapter te koi isor tu moses pora bi dangor ase. Jitya niom khan moses paishe aru Israelites khan ke isor laga ashirbat pora bachaishe. (Hebrews 3:2,3)

Oh Isor laga bacha khan, Isor tu dangor ase aru taike ekla hi sonman aru naam uncha kuribo lage.

Aji bhabna kuribole laga pobitro kotha tu hoile titus 2:13 kile koile amikhan utu asish laga din nimite rukhi ase jitya amikhan laga sob pora dangor Isoxr aru masiah Jisu Krista pura Shakti loi kene ahibo.