Dec 24 – GAMANGTUNGAN GUGU MAR!

“Anin gugu Mar, gamle panemengan dete, do Kuddub saring Lanangkan a On, gamle ahiman hangte” (Luk 1:32).

Gamangtungan gugu Mar do Anin sattang hangte panemengan do ganugu. Anin erobjongdage do buteja batte arobjongan adea.

Bo denna boxing andidna dele, kun andina-lingan andinamaranji susulingji. Angante mandranji gule abgugule gamleji, anin kinsan do duhaihan. Do anin gamle: ‘Kuddub ordarlingan a ranapti maranji saring sanulenai. Bogad Kitungan dakulenden, Anin hiyanhiyle sanunete d’ong-hen batte. Hen Anin batte sanulen abaritai do hen kitungan saring a kitung deteih’.

Kan ambrij agamlen atikki, anin lanankkaba gijgijle, gamle Kitungan a d’ong. Do abubmung ganijtan dele do ababan jable. Anasangan hanle anin kun saring, anin s’itle kun tettelingan. Do anin kadhile kuddub mandranji atimanglingan.

Kitungan surdadam do buteja a d’ongan adanganji. Kan ambrij bibolan gamte: “Bindo jardinna, E mandran, osantan aman Kitungan asanggemle opunglen asan, aman buten? Itente ganardzn dele, antate abgardz maran a d’ong, Aman ednegoi iten asan sabjalih, gamle rapti opungte po?” (Romi 9:20). Kitungan boi boi surdadam ite amandranji asaring, itesanabjan adele saring, iteagorborment orde anabhanmarji ja.

Angante amben a kinolte ebri kamb’olan, amben a rabangte Kitungan surda kuddub mandranji amang saring, kuddub kardalingan. Aparamangta a surdalingan yan Kitungan a surda pissirdianji saring. “Bar janang Anin a deba onan a d’ong ordarban a urunglaian adnang, Bar Kitungan a kuddub pisirdianji Anin a d’ong senpwretenji, gamle gamte.” (Ebri 1:6). Angante Kitungan a pisirdianji ranaptidam, Kitunglen boi boi surdadam.

Anabyagi a surda-lingan Ebri, gamte Mojes saring Kitungan surdadam. Angante tanubberan edolle Mojes, Israel maranji a d’ong urunglai boantan singan saring, bindo Kitungan a suyuman, kun saring anadungan deleji (Ebri 3:2,3).

Tanahimdam Kitungan a onagji, Kitungan surdadam do Anin sattang hante ganugu do panemengan. Anten asan, abgugule do abpemengba.

Okiy Kinolbe absele: “Bar kuni a man’oihdage danerderan do gugu Kitungan bar Ablu Mar Kristu Jisun a ganugu panemengan a panunggen apsele a omdeben detalen, kanate antasuyeman hanghangtalen” (Titas 2:13).