Dec 23 – DEVER DEEYO

Gener Vath 20:27 Manikyar aathma Yehova dinojako deeyo;vu bhedema chajena sey parakan valakacha.

DEVER DEEYO kajako kathra achamkalar vathvencha kunika. Saasi Vu Devaj Vor deeyona thona demelocha vu Dever deeyo kathra andharo rathoi athra jada jhankan lagajen dekacha. Vu deeyoj thu jaavnujako vaten vajaler nai racha, atho asal deeyo katho kai? Manikyar aathma Yehova dinojako deeyo. Manikyar jeevadama Athman jeev bharancha. Kanna jeevada marjavachko athman jeev hamesha banchan racha. Yee jeevadathi 5 bhavanalethi malamkarlen banchacha. Tharema chajako athmathij athmik vadi Devethi bhalan Dever khatharen vu Athmathij  acho balla kajako malamkarler viya.

Thu  galath theermanam karasjana thar athman dhujaju karechi. Yek maand Kamen thus karajanan thar mannema ajjek aparadh kidoju malamkarlechi. Dever diyo kajakoj thodsek admin dekajana kaiko mosa chaler cha kan malam karacha. Yesu Prabhu koju (Yohan 16:13) Sather Athma avajana, Vu soli Sathema thamena chalavacha. Vor Vuj vatheykareniju Vu samalojen sen ken, avajako khabarena thamena malam karacha. Vuj Yohan 14:26 vachanema padatho, maar naamethi Baap melajako samjayevalo Pavithar Athma thamena sikhan, Ma kojako solina thamena herdekaravacha.

Mar premer Dever beptavo aaj thu vyakulathama anna chintha ma chikaiko? Kunas theermanam karnuko malamcheniju chikaiko pan thar dallen abbaj Pavithar Athma na havaal karlastho Vuj thona aach vatema chalavacha.

Ajji jada dhyan karen pado I Yohan 2:27 Pan  Vothi tham payejako Abhishek ghat cha, koithoi thamena sikhvadi dero jaroor cheni;Vu abhishek solima thamena sikhvadi dacha;vu saasij pan labbari koni.