Dec 23 – Isor laga diya!

Proverbs 20:27 jun manu hosa rasta te thaki ase aru thik kam khan kori ase tai laga bacha khan laga kopal bisi bhal ase.

Kiman sundor aru bhal kotha ase, “isor laga diya”! isor pora apuni khan ke diya dishe jun tu iman chamke  ujala hoi kene andhera te bi. Itu pora hi dikhai apuni ke kun rasta te jabole lage. utu diya kuntu ase? Atma te bera manu hi utu diya ase Isor pora diya laga.

Manu ekta tu hoile mon bi thake aru atma bi thake tai laga gau te. Tai laga gau tu mori jaile bi, atma aru mon tu hodai hi zinda thake, aru tai khan kitya bi namore.

Apuni khan laga gau pora hi apuni khan itu prithibi te rishta thake. Isor pora apuni khan ke pasta sadbuddhi dishe, apuni khan itu prithibi te thakibole nimite. Hoilebi Isor pora  apuni khan ke atma dishe, diya nishina, apuni khan atma laga duniya te bi rishta banai kene rakkhibole nimite. Itu nimite hi apuni khan janibole pare kuntu biya ase aru kuntu bhal, aru bujibole pare Isor laga ki icha ase.

Bishi baar, jitya apuni khan galti faisla loi, apuni khan laga atma tu shanti napai. Aru jitya apuni biya kam kure, apuni khan laga atma pora mon dukh kure, aru galti bhabna ahi jai. Apuni khan bhabna kuri thakibo pare itu laga karon ki ase. Atma te bera manu- jun hi isor laga diya ase, aru itu hi sob laga karon ase.

Jitya ekta atma laga manu Isor laga pobitro atma logote milijai, tai pora hi apuni khan ke cholai kene loi jabo. Ami khan laga Isor Jisu krista koishe: jitya atma ahibo, tai isor laga hosa dikhai dibo aru apuni khan ke hosate loi jabo john 16:13. Itu karone, hosa laga atma, mili jai apuni laga atma logote aru sikhai apuni ke thik pora juntu hosa ase aru kuntu rasta te apuni bberabole lage. Pobitro kotha te koi john 14:26 modot koribole nimite, pobitro atma juntu ke amilaga pormeshwar baba pothabole ase apuni khan ke sob hikai dibo aru ami ki koishe itukhan sob apunikahn ke monte korai dibo.

Oh Isor laga bacha khan, aji apuni khan bi mon shanti te nathakibo pare. Apuni bi bujibo napari kene ase niki ki kuntu rasta te jabole lage? Nahoilebi kiba zaroori faisla koribo napari ken ease niki? Isor laga atma logote ahibi. Titya apuni bi janibo ki Isor laga pobitro atma apuni ke isor laga icha pora hi cholai ase. Bishi bhal pora hi Isor pora apuni khan ke diya ujala tu cholabi, diya juntu hi chamki kene andhera te bi jule. Aru itu ujala hi apuni ke thik rasta te loi jabo.

Aji bhabna kuribole laga  pobitro kotha tu hoile 1 John 2:27 hoilebi apuni khan ke Krista tai laga atma khuli kene apuni khan laga uporte dhali dishe, aru jiman deri tok apuni khan laga bhitorte tai laga atma ase kunbi apuni khan ke ikubi hikabole nalage. Tai laga atma hi apuni khan ke sob hikai dibo, aru kobo itukhan sob hosa ase, iku bi misa nahoi. Itu nimite atma ki hikai ase ituke mani lobi aru Krista logote milikene thakibi.