Dec 22 – PRABHUNA NGAKSENBIGANI !

“Prabhu nahakna makhoibu ngaksenbigani,O Iswar nahakna makhoibu juk jukta ngaksengani..” (Psalm 12:7)

Sastrada eikhoina toina thengnaba wahei adudi “Prabhuna nahakpu ngaksenbigani haibasini. Karamba mapham oirabasu Iswarna nahakpu ngaksengani.

Punshida aruba decision louba matam lakpani. Madugi warepsing aduda nahakki punshigi panthungsu leibani haiba nahakna khangi. Adubu waroisin puthokpa ngamdabana maram oiraga nahakna yamna langtaknei. Nahakna kadomda khong thanggadabano haiba khanpham khangdana chamamnaduna lei. Aduga kanagumba amabu pen hange haina nahakna hotnabada nahakki ingthaba adu mangi.

Madugumlaba phibamda nahak leiba matamda nahakna ingthana leibiyu aduga Iswarda nahakki punshi adu pisinbiyu, aduga adumna haibiyu, “ei isana warep lougadaba oirabadi eigi punshi apumbasi mangtaklagani. O Iswar eihakna masigi phibam asida eigi punshi apumbasi nahakki naphamda pum kat katthokchari. Nahakna eigi damakta warep adu loubiyu. Aduga nahakki aningba adu eingonda phongdokpiyu. Adu touba matamda Iswarna mahakki aningba nataba makhei adu nangondagi louthoklani,aduga nahakki punshida anouba lambi pibigani. Aduga nahakpu asoi angamba khudingmaktagi ngaksenbigani..

Psalm 121 apumba asi Iswargi wasakna thanbani. Ma mayamna masigi Psalm asi chinpha oina puduna lei. Masigi Psalms asi bhap tana,amadi Iswar thagatpaga loinana  pabiyu. Aduga Iswargi themjinbiba amadi ngaksenbiba aduna nahakki punshida pikthan gani. “mahakna nahakki khongsing adu ngaksenbigani, nahakpu ngakseilliba Iswar adu uiba leite. Iswarna nahakpu ngaksenbi, mahakna nahakki yetta urum oibiri. Iswarna nahakpu phattaba khudingmaktagi ngaksenbigani. Mahakna nahakki thawaibu ngaksenbigani.l” (Psalm 121:3,5,7).

Nahakna Iswarda mapum phana pisinba matamda mahakna nahakpu ngaksenbire haiba khanglakkani.  Madu nahakna khangba matamda thouna phana  Paulna haibagumna haiba ngamlagani, “eina thajariba mahakpu eina khangjei, aduga eina mangonda sinnakhraba adu mahakna numti adugi phao ngaksenba ngammi haiba eina khangjare” (2 Timothy 1:12).   Asengba nahakpu ngaksenbigani.

Eikhoigi Iswardi Joshua da asumna wasakpiramba Iswar aduni, “ei nahakka loinari. Eina nangbu thadokpiroi hunsu hundokpiroi.” (Joshua 1:5).  Jacobta asumna wasakpiramba adu eikhoi Iswarsuni, “ eina nangonda haikhibasing asi thunghandriba phaoba eina nahakpu thadokpiroi..” (Genesis 28:15).  Madugi Iswar aduna ngasisu nahakpu chingbigani ngaksengani haina wasakli. Mahak matik mangal leiba amadi mahakki wasaksing thunghanba Iswar aduni. Aduna thamoidagi Iswarbu thagatplu.

Dhyan tougadaba: “Iswardi eikhoigi changjapham amadi panggal ni , ​awaba matamda nakna leiraga pangbiba Iswar nahak khaktani..” (Psalm 46:1)