Dec 20 – PRABHU GHASAN DEKACHA

Yeshaya 30:18 Jethi Thamaper dayadakaler saru Yehova ghasan dekarocha thamen karuna dekalnu kan Vu hubaran dekrocha. Yehova nevukarevalo Dev Vor saru ghasan dekevaal nasheebdhar.

Apaner Dev kannai dayana, karunana, premen dekaler dall chajako cha. Romavalun 9:15 Jethi Mosena kerocha hanu kerocha- keper dayathi chunko voper daya dakaluchu;keper karunathi chuko voper karuna dakaluchu kan ko.

Dev ghano daya dekalevalo chaken malam cheni pan Von ku dekalnu ko thar angaj vu vagathena paristhina rakadan ghasan dekarocha. Geeder Grandh 69:3, thu Dev mar vadi daya dekalro konthi kan hanno kelechi, Ma barka barkan hargochu; mar ghog sukhagocha; mar Devegas,ma vaat dek dekan, mar aanki dhudlo vegicha.

Vuj Geeder Grandh 6:3, Mar dall dadakrocha Yehova kathethani gachab rechi?  Thu hano kannai kelamath lapan Dev thona kanna dayadakalu kan ghasan dekarocha.

Ajji jada dhyan karen pado Geeder Grandh 40:1Yehova vaas ma dheerethi ghaslen rido;vu manna kaan den, maar bakravnina saamalo.