Dec 20 – GAMANGTUNGAN OMDETE!

“Anten asan Gamangtungan d’ong-ben asuyemben asan omdete, do d’ong-ben abasuyemben asan Anin dzten. Iten asan gamlenden Gamangtungan sakkai bitsara Kitungan na; ayengan a mandranji Anin apsele omdeteji, kun a kuddubanji man’oihdam” (Jisaya 30:18).

Kitunglen a suyeman mangbalen dile-tordong absuite, tanimhiman do sanayaman. A tanimhiman do asuyeman mangbalen absuite kanina ate Anin abaran. Anten asan Anin asuyeman batte d’onglen dongrable dakute. Bo denna Gamangtungan gijgijle Mojes amangba do gamle: “Hen buten buten a d’ong asuyeman apsuiben itsumtai, aninji a d’ong asuyeman apsuitai, bar buten buten a d’ong a samben itsumtai, aninji a d’ong Hen samtai” (Romi 9:15).

Amben galamle adraptie Kitungan agan asuyetaben. Bindo kun apsele kitungan anogalan daku. Do kun ayaman abmele amben aomdiben dete. bibolan gamte: “ayengan a mandranji Anin apsele omdeteji, kun a kuddubanji man’oihdam” (Jisaya 30:18).

Ateng ayam, angante Gamangtungan omdele abasuyemben abmele d’ongben, amben kun ayaman anomdead. Kun asan amben Kitungan amanglen koraling kani kuni agamte. Kitungan gamte: “Sanaiyaman abmele sanuding lingan hen manggalih do murdeka-hen asarre; Kitungan anomde lingan m’od-hen g’oite” (Sanenken 69:3). “Pwrarda-hen janang boiboi galaih piyaihge dete. Bindo Aman, e Gamangtung, dajing ayam abdingdingten?” (Sanenken 6:3). Kan ambrij sanenkenan gamte, amben kan ambrij galaih piyaihge a delepo ugarlingben Kitungan a suyeman abmele? Bindo ogandiba, Kitungan omdile daku d’ongben asuyemben asan.

Kisimissin ayamling, s’ingboi-hen bangsa pupu dihle, do angante ajumben ambele oskaiheten passijanji kudi kota deleji. Angante pupu tanaban dele, do talilingan tanakkun dele, passijanji omdele daku pupu ajumben abmele. Passij-hen ajumben asan kudikota abmeneten, bangsale adnasingle ja, anin omdele adraptiad. Bindo inslo-hen bangsale gadlamle a d’ongan abomdete: ‘Hen omdele adraptiai. Bogad bangsale adnasinlingden, aman jumle adraptie. Anten asan, asinten sikoija omdea. Hen asinten sikoija omdetai’. Kun ambrij, ruanglingan Kitunglen asuyemben asan omdele daku.

Tanahimdam Kitungan a onagji, galai piyaihge adedong angante kanalkaln rrertai manglingben. Angante amben omdele adakuten, Anin ayaman ambrij awrloge absittabenten.

Okiy Kinolbe absele: “Hen Gamangtungan apsele sayele omdelai do Anin ganuding-hen amdangle do edana-hen daludle” (Sanenken 40:1).