Dec 19 – GAMANGTUNGAN A S’IN!

“…do s’i-Nam hen ampara dakunete” (1 Birinda 4:10).

‘Gamangtung s’i-Nam hen amparan dakunete’, kan ate aboi Jabes abmel bo surda garberan dakule. Yan a man’oihdam do a bangsa garberan!

A himan ‘Jabes’ gamlenden arasudan batte karudkudan. Bo surda danukkan batte do arasudan batte kudle. Kun ayamling a tanongban adakuad, orde ateng danukkan batte halen orde banagegodan do bimbiman batte. Bindo anin danukkan batte, Jabes Kitungan a s’iban gijgijle, itente amadanji gosodte.

Angante Ejra kamb’olan kznoltabe, amben arabangte Gamangtungan a s’i lanakka-ling-hen gamle a nidolan dele. Anin idolle: “Kan ambrij hen apsele Gamang Kitung-hen a s’in a sanaiyaman batte hen ranaptin hanglai” (Ejra 7:28). Sanenken Daudo gamte: “Bogad hen darungyungsengban padle englaienden, orde ganingan a tanungkij tannodban basulaienban, tetten janang s’i-Nam d’ong-hen abhanatih do jandrumsi-Nam d’ong-hen hamtih” (Sanenken 139:9-10).

Tanahimdam Kitungan a onagji, amben a surpidamten po Kitungan a s’i-ling a lulunaben asan? A s’in ablulangten do rablangten. (Sanenken 144:7). Gamangtungan radu kapardan do radu s’in (Sanenken 89:13). Do a s’in sayamlangten (Sanenken 119:173).

Bo denna aboi ranapti Kitungan amandran dakule. Abumung, asule do boi boi kanalkal dele amandrengna lingan, angante anindaman sanna gamdamlen. Anin lumudan akarahid-lingan surpidamlen. Anagante karahidlingan sardergorderge dele, anin bo surda tanalmadan gijle. Kun tanamad-lingan, bo surda ganungan amanengba ayirte ate. ateng sonumanji dakule tette-lingan. angante adamba yiraiji, aninji oyailoge gamleji: ‘Anlen ampara lumudgod-lingan yirai. Amang ateng mandranji urungle manglen saring do ruangban apaile. Anlen d’ong-nam adnumdengai’.

Angante Kitungan amandran sonuman a janggardan gijle do lumud-lingan, anin bantongdale. Bindo d’ongdage, lanumud lingan anin Kitungan a ders’i-ling lululen langa songko tagoran ambrij bagu maneng lumud lingan. angante kun ate gijle Kitungan amandran anabtaijan dele lanankaba. Atanakud lingan, Kitungan olangle a d’ongan, gamle: “s’i-Hen aman batte dakute dile tordong. Erbantonglabe hanna. Do dayergudongne”. Adtabdong, kun tanalmadan sosole. Kitungan a boantan bangsa mandrengna hangle. Tanahimdam Kitungan a onagji, amben janang aluluten ranapti Kitungan a s’i-ling do senle do abgugute.

Okiy Kinolbe absele: “Lanangka saring jaitan Aman abjunsilen d’ong-hen rabrabih, do jaru d’an saring d’ong-hen dingle amdungih, do bzgarda jattinji a s’in saring rabrabih” (Sanenken 144:7).