Dec 20 – Isor pora rukhibo!

Isaiah 30:8 itu karone, Isor pora rukhi  bo, ki tai apuni ke morom kuribo; aru itu karone, tai laga naam uncha hobo, aru tai apuni ke morom kuribo. Kile koile Jehovah to nyay kora Isor ase. Ashirbaad ase tai khan ke jun khan  tai ke ruche.

Ami khan laga Isor tu narukhi kene tai laga khemai, morom aru ashirbad ami khan ke dikhai. Tai hodai din ami khanke morom aru ashirbad diye aru itu hi tai laga choritra ase. Aru itu karone hi tai amikhan ke bishi morom kuri thake. Ekdin Isor pora moses ke saishe aru koishe: “ ami tai khan ke khemai kuribo jun khan kea mi khemai dibo mon, aru ami tai khan ke morom lagibo jun khan ke morom ase.” (romans 9:15

Apuni khan najanibo kitya isor  pora apuni ke ashirbad dibo. Hoilebi Isor tu itu age pora hi bhabna kuri loishe. Aru itu karone apuni bhagor nalagi kene tai nimite rukhi thakimbo lage. Pobitro kothate koi: ashirbaad ase taikahn ke junkhan tai ke ruche. (Isaiah 30:18)

Bishi baar jitya isor apuni khan ke rukhi thake ashirbaad dibole, apuni khan tu tai kahn ke rukhibole napara hoi jai. Itu karone apuni khan tu gusa hobole shuru hoi jai  aru Isor laga khilaf te kotha koi jai. Psalms  69:3 te koi ami kandi kene alsi lagi jaishe; ami laga gola sukhaishe; Isor nimite rukhi rukhi kene ami laga suku khan bhari hoi jaishe. Psalms 6:3 aru amilaga pura gau bisi dukh paishe. Kiman deri tok oh Jehovah apuni amike modot kuribole nimite rukhibo?

Psalms te thaka nishina hi apui khan bi alsi lagi thakibo arum on dukh hoi thakibo deri hoi ase koi kene? Hoi lebi yaad rakhibi Isor tu apuni khan ke dangor ashirbaad kuribole rukhi ase. Christmas laga homoi te maiki khan cake banai thake, aru itu nimite sob taiyar kure, bacha khan bi usorte thake. Jitya itu cake banabole oven te rakhi thake, kunba homoi te bacha khan tu rukhi bole napare aru mange napaka laga homoi te bi hoilebi ama khan tu shanti thaki kene koi ki ami itya ulabole napare kilekoile pakanai aru itu ityha khai kene bhal nalagibo. Itu ke thik homoi tok rukhibi pakibole. Itu nishina hi isor bi ami khan karone shanti pora rukhi thake ami khan ke mitha ashirbad dibole nimite.

Oh Isor laga bacha khan kitya bi alsi nalagibi jitya apuni khan Porikha te thake  aru dukh te thake jibon te . aru jitya apuni shanti thaki kene ruche Isor karone, tai pora apuni ke bhorta kuri kene ashirbaad dibo, tai laga homoi te.

Aji bhabna kuribole laga pobitro kotha tu hoile Psalms 40:1ami mon shanti rakhi kene Jehovah nimite rukhishe; aru tai ami phine saishe aru ami laga kandia laga awaz ke hunishe.