Dec 19 – Isor laga hath!

1 Chronicles 4:10 hoilebi Jabez Israel laga Isor logote prathana korise, “amike asish dibi, oh Isor, amike bisi deshkhan disi. Ami logote thakibi aru amike kuntu duth pora digdar hobo ineka biakhan pora digdar hobo inika biakhan pora amike hataikene rakhibi.” Aru tai prathana korikene ki mangise Isor taike itukhan sob dise.

‘Isor apuni laga hath ami logote thakibi’ itu ekta zaroor prathana  thakishe Jabez. Ekbar bahban kuribi kiman sukun aru sundor prathana thakishe utu.

Jabez naam laga motlob tu ekjon  jun dukh te jonom hoishe. Tai bishi dukh te thakishe aru tai laga ama bikhai kene tai ke jonom dishe. Tai tai laga mota ke haraishe nahoilebi tai bishi luksan te thakishe nahoile dukhiya aru bimar te thakka hobo. Hoilebi iman dukh thaka laga homoi te, Jabez uporte Isor laga hath ke hi saishe, bhabna kuri kene ki Isor hi tai laga suku pani mushibo paribo.

Jitya apuni ezra laga kitab ke puribo, apuni khan dikhibo bara bar dikhi bo ke, “isor laga hath ami uporte thakishe” ezra 7:28 Isor laga morom pora ami laga raja laga, tahi laga ukhil laga aru tai laga dangor dangor sorkari sahab khan laga morom paise; aru ami laga Isor Jehovah amilaga monke dangor kuri dise aru ami Israel laga jatikhan laga bishi netakhan kea mi logote wapas anibole parise.

Psalms likha David pora bi koi, Psalms 139:10 tate bi apuni laga hath jai kene pungchibo; apuni laga dahina hath pora ami ke dhuri lobo. Oh Isor laga bacha khan, apuni nijor ke Isor  laga hath te dibo? Tai laga hath ami khan ke bachai (psalms 144:7) isor Jehovah ke ase dangor aru tagot hath (psalms 89:13) aru tai laga hath modot kure apuni ke (psalms 119:173)

Ekbar bishi tagot thaka isor jana manu thakishe. achanak, tai bimar te giri jaishe aru tai laga jibon tu tai bhabna nakura nishina thakishe. tai tu muribole nishina hi thakishe. jitya tai muribole thakishe tai ekta sapna paishe. Itu sapna te, tai ekta bishi bhoilaga jaga ke par kuri thakisshe. Tai bishi saitan ke dikhi thakishe itu jagate. Jitya taikhan utu manu laga usorte ahishe taikhan jor pora chillai she:ahibi andhera te ami khan logote. Apuni pora bishi manu ke loi she jun amikhan laga thakishe aru swarg te jabole dishe. Itu karone ami apuni ke nacharibo apuni logote badla lobo.

Jitya Isor laga utu manu itu biya atma khan ke saishe aru taikhan laga kala jat ke, tai laga mon bhoi pora kapishe. Hoilebi phot Isor laga gujal laga hath tu dikhishe jitu ekta pul nishina thakishe. jitya itu manu utu dikhishe tai phot pora Isor laga hath te uthishe aru itu jaga ke par kurishe aru ses  te Isor pora taike koishe: ami laga hath apuni logote hodai thakibo . age jabi hodai itu yaad thaki kene. Aru kitya bi piche ghuri nasabi.” Aru itu pichete tai sapna pora uthi jaishe.aru itu manu bimar pora bhal hoishe. Oh Isor laga bacha khan apuni khan bi Isor ke bharosa thakibi ki Isor laga hath apuni karone ase aru tai ke dhonyabad kuribi.

Aji bhabna kuribole laga pobitro kotha tu hoile psalms 144:7 upor pora niche ahi kene amike iman bishi pani khan pora bachai dibi ; aru dusra desh laga manu khan laga tagot pora amike bachai dibi.