Dec 18 – GAMANGTUNGAN LUMTE!

“ettele Gamangtungan anson a mandranji a d’ong urungeten” (Bagujuanaber 32:12).

Gamangtungan tagorlanten dile minit do dile denna. Anin s’iben hamle roitadgodban tangor-benten. Angante anlen gijtabe Eliya abmele, buteja a d’ongan adsayamadji a mandrengna lingan, anindaman surpidamlen Kitungan aitsum lingan do omdile dakule Kitungan atanurdun a d’ongan atagorben asan. Do gijba yan arumangdage Kitungan a d’ongan tangorle!

Bo surda Kantaran ayamling, kakan rutipun do jelun panglai rayiltagalda do oruborub ayamling, bar anin gadalen. Do angante jordadan asarle, bo juarbojan Jeripatan as’i-ling saring Kitungan rujumle. Dile denna rubmangananji gijle. Tanahimdam Kitungan a onagji, angante amben asurpidamten mandrengnaben Kitungan a s’i-ling, Anin bo surda tanimyiman batte langaloge do gugudage tangortaben.

Anin sattang adtangorben bindo kuddub birindaben a d’ong sagalte. Kuddub birindanji Anin sattang tunlate. Anin kuddub Noah a birindan rable bungsang lingan do anabs’idan saring a d’ong rabrable. Angante Korniel a birindanji dernan batte Jisu amngba surpidamlenji, Anin jaboble kuddub a birindanji do ruangdage ataniytiyan tiyle a d’onganji. Nami, surpidamnaba kuddub birindaben a baran do a lanuman ranapti Kitungan as’i-ling. Bar ajardinna, amben gijle arabtite Anin rumangdage anabtagoran kuddubgodlingan saring.

Kitunglen Kuddub tunladage dakule Israelanji a d’ong kuddub ranaptin batte a tagorben abmele, bokurdi lokiyo ambrij dakuleji. Yan a rumangdage Anin tagoretenji do Misoranji amang saring amdungle, ayengan a desa ling ragalan do manan daku! amang-linganji tudru lokiya mandranji, do atengdam inslonji etegoi passijanji dakule. Kan kuddublingan, bakurdi lokiya Israelanji dakule, ayengan amandranji kun arzngrzngodan sanle yireji. Do bakurdi mihnum sikoija ganaga janumjuman tiyle tangoretenji, kan mandradage abaran dakuleden ojoraitepoben.

Bindo Kitungan abmele, buten tagorle do sayamle a d’onganji, kan ate kanalkaldagen abaranted. A s’in duijnadageted. Dile denna, Anin a d’onganji Manna tiyjumle. Do alulubalinanji togi appaile. Anson bokurdi lokiya Israel maranji a d’ong tarubsunan do togisunan batte tangorretenji. Tanahimdam Kitungan a onagji, Kitungan agaja abbandane, Kitunglen gameten “Hen na Buten Hen na” erahidmandrengna sikoija jardi-gamle anin tagortaben.

Okiy Kinolbe absele: “Uan a tangoran aman a yerben dete, antate Hen hanghangtam; mad-Hen batte d’ong-nam apsuigodtai” (Sanenken 32:8).