Dec 17 – Isor pora jhugibo!

Exodus 14:14 Isor pora apuni nimite jhugibo aru apuni dhuri kene thakibo apuni laga shanti.

Sob manu khan tu itu verse laga  poila bhag tu purible khushi pai. Hoilebi dusra bhag tu puribole aru bujibole digdar pai. Isor laga bacha khan bi tai khan laga shanti tu dhuri kene thakbi napare. Tai khan nijor hi kiki kuri inika homoi te aru bishi bar biya kuri kene Isor ke tai khan nimite jhugibole bon kuri diye.

Utu homoi te moses bi mahal te hi thakishe aru tai shanti thakibo paranai. Tai bhabna kurishe ki tai Israel laga bacha khan ke Egypt manu laga bandhi hoi kene thaka tu tai ulai dibo paribo tai laga tagot pora. Tai jhuja laga, thir chola laga aru tarwal chola laga itu khan ke dikhabole mon thkaishe. Pobitro kotha te koi Acts 7:22 taike Egypt jati te kiki poribole lage itu khan sob poraise aru tai kotha aru kam te bishi dangor hoishe.

Tai laga ulai diya laga bhabna te Israel manu khan ke bandhi hoi kene thaka pora, tai ag barhi kene ekta Egypt manu ke morai dishe. Itu karone pharaoh laga agete tai ekta manu mora laga hoi jaishe. Itu karone, tai Egypt pora polabole lagishe, aru nijor ke midianites khan laga mati te lukabole lagise.

Jitya tai midain te hi thakishe, Isor moses laga agete ulaishse. Isor jhar juli thaka laga majote tai laga usorte dulaishe- utu jhar ttu juli thakishe hoilebi khotom nahoi. Hoi jun khan bhabna kure tai khan laga jhagra tu tai khan laga nahoi hoilebi Isor laga ase, tai khan laga jibon aru ministry tu juli bo pare hoi lebi kitya bi khotom nahobo. Apuni khan itu atma laga kotha ke bujibole lage aru nijor laga jibon te itu bebohar kuribo lage.

Judi apuni nijor laga parivaaar nimite prathana kuri ase, titya hoile apuni khan nijor laga parivaar isor laga hath te diddibo lage aru prathana kuribo lage ki Isor pora tai khan uporte kam kuribo koi kene dhonyabad kuribo lage. Apuni khan pura Biswas thakibo lage  ki Isor pora taikhan ake chubo aru bachi dibo. Aru Isor pora hosabi tai khan ke bachai dibo. Hoilebi kunuba khan tu tai khan uporte Biswas kure aru taikhan laga piche piche kotha koi thake bachabole nimite, inika te aru tai khan laga mon hi tan hoi jai.

Jitya bi biya manu khan apuni khilafa te khara kure, nahoilebi apuni ke biya kotha koi kene apuni laga mon bikhai, apuni laga sob dukh  tu Isor ke dibi. Kilekoile tai hi ase jun apuni laga bhal bhabna kure. Apuni khan thik shanti thaki kene rukhi bo lage Isor pora hi apuni arone lorai kuribo. Aru tai pora hi apuni ke jiti bole dibo.

Aji bhabna kuribole laga pobitro kotha tu hoile Psalms 138:8 jehovah ami nimite ki bhabna kuri kene ase ituke pura hobole dibo; kile koile Jehovah laga kityabi khotom nahobole laga morom khan hodai hodai nimite ase; apuni laga hath pora apuni ki ki banaishe itu khan ke kityabi khotom hobole nadibi.