Dec 16 – Isor hi amike bachai!

Psalms 31:2 bonibi ami laga pathor bachai diya laga, ekta ghor amike bachabole khara hoa.

Sob manu khan bi ghor aru bachibole lage. Jitya ekta manu ghor banai, tai laga sobse poila bhabna tu tai laga parivaar lag dekhbhal aru bachai rakha laga thake. Tai sob bachibole para laga samn khan thik pora lagai.

Itu nishina hi politics te uncha podh te thaka khan tu tai khan laga bachi rakhibo laga sob intizam tu thik rakhe. India te tu ekta khas bachav kura laga sipahi tu hoile “black cats” koi ken ease. Police officers  khan pora it utu ministera khan karone rakhe. Bullet proof gari aru vest khan bi diye tai khan laga bachav nimite. Hoilebi bishi homoi te, itu khan sob intizam thakile I kityaba tu tai khan bachibo napare.

Ami khan sob jani ase kinika age laga Prime Minister Mrs. Indira Gandhi ke morai dishe tai laga nijor bachave kura laga sipahi pora. Sri lanka laga President Mr. Premadasa  ke bi bomb blast kuri dishe jitya tai labour day mani thakishe . Israel jun tu desh juntu security aru intelligence te bishi age ase tai khan bi nijor laga President ke bi bachabo paranai. Mr. John F. Kennedy ke bi bachav kuribo paranai united states of America pora. Itu prithibi laga bachav khan tu inika hi ase.

Pobitro kotha te koi Psalms 127:1-2 jehovah pora ghor banai diyanai koile, mistiri khan banai diya misa mishi ase; Jehovah pora bachai rakhanai nagar ke koile sipoi pora sai thaka misa mishi ase. Psalms 12:4-7 israel ke jun modot kure tai kitygabi sukku bon nakure aru kityabi naghhumai. Jehovah apuni ke dhuri kene ase; tai apuni laga kinarte ase apuni ke bachai dibole nimite. Dinte apuni ke suraj jokhom kuri bole naparibo aru ratite chand bi inika kuribole naparibo. Sob bhoi khan pora apuni ke bachai kene rakhibo; tai apuni ke zinda rakhibo.

Psalms 91:4-6 tai laga pankha pora tai apuni ke bon kuri kene rakhibo; tai apunike bhal pora sa loa koribo; tailaga biswasi kamkhan pora apuni modot paithakibo aru bachi kene tahkibo. Apuni ratite kiba biya hobo koi kene bhoi nalagibo aru din te bi kun bi apuni logote jhujibole naahibo. Nahoile andhar te kiba biya bimar khan nalagibo nahoile dinte ikkubi biya khan apuni kemorabole naparibo.

Oh Isor laga bacha khan, khali Isor pora hi apuni ke bachai kene rakhibo pare. Judi apuni Isor ke apuni laga ghor banai, apuni ke kun bi hilabole naparibo. Aru apuni khan tub hoi khabo nalage jitya tagot thaka porikkha khan apuni laga khilaf te ahibo aru bishi manu apuni laga khilaf te khara kuribo.

Aji bhabna kuribole laga pobitro kotha tu hoile Psalms 91:4 ami taike uncha te rakhibo, kilekoile taike ami laga naam pora janibole oparisse.