Dec 14 – Okol Isor logote!

Exodus 20:21 hoilebi mamnu khan polai kene dur durte thakibole lagise aru khali moses hi utu kala badal laga usor te jaishe jun jagate Isor ase.

Jun manu khan Isor ke bishi morom kure aru ituke ginti nakure tai khan hi Isor laga usorte ahe. Isor pora khali ekta dorja hi sob nimite khuli kene rakhishe khemai laga, apuni ke I sor laga morom jagate punchibole nimite.

Sonb manu laga jibon te duita tarika thake jibon laga. Ekta tu hoile bahar laga jibon juntu sob pora dikhe aru ekta tu hoile bhitor laga jibon jntu andekha ase. Itu kea mi khan milai sai she koile ekta tu ase pahar laga niche aru ekta tu hoile pahar laga sobse upora jaga. Pahar laga niche te tu bishi janwar khan birai thake aru itu nimite hi hala bi bishi hoi pare.

Holebi pahara laga sobse upor jaga tu hoile thanda badal pora dakhai di kene olop olop suraj laga ujala ahe. Aru inika jagate tu bishi shanti aru sundor jaga dikhibole pai. Itu nishina hi jitya apuni laga jibon te bi bishi dukh, digdar, porikha aru aram nathaka inika homoi te Isor logote apuni rishta banai kene thaka tuhoile Isor laga ashirbad pora apuni ke Chaya di kene thaka aru tai laga morom tu suraj laga ujala nishina apuni ke rasta dikhai thake jun tu sabole bishi sundor ase.

Hoidai din, phujir te apuni khan bi apuni laga mon laga pahar te polai kene jabo lage aru Isor laga Chaya apuni logote thaka tu anubhav kuribo lage. Ekbar apuni inika shanti laga rishta Isor logote thakile tu, titya apuni khan tu apuni khan laga jibon te dukh aha homoi te apuni khan bhooi nakuribo aru shantithaki kene sob thik kuribo apuni laga bahar laga jibon te bi.

Moses tu Isor logote kotha chehra ate chehra sai kene kura manu thakishe. isor koishse: “aru moses ekla hi Isor laga usorte ahibo lage, aru tai khan ahibo nalage, aru itu mamnu khan uporte bi nauthibo lage tai logote.” Itu tu kilekoile pobitro nahoi kene kun bi Isor ke sabole napare.

Exodus 25:22 aru tate ami apuni ke lok kuribo, aru ami apuni ke kotha kuribo khemai laga kursi pora, duita duth khan laga maje pora jun khan gawahi laga pathor te ase, sob kotha juntu ami dibo niom khan Israel laga bacha khan nimite. Exodus 33:9 aru itu par hooishe, jitya moses humaishe itu mondirte, badol laga khuta namishe aru khara kurishe mondir laga dorja te, aru Isor moses ke kotha kurishe.

Oh Isor laga bacha khan, Isor laga aget kun bi komti bishi nahoi, sob soman hi ase. Isor jun hi Moses logote kotha kurishe. Jitya apuni nijor ke sapha kuribo, aru icha thakibo apuni lga amon te Isor laga kotha hunibole, tai hosa pora bi apuni laga usor ahibo.

Aji bhabna kuribole laga pobitro kotha u hoile Psalms 16:8 ami hodai buji thake Jehovah ami laga usorte ase; tai usorte ase aru kunbi ami ke hilabole naparibo.