Dec 14 – KITUNGAN ADAMBAN!

“Anten asan, mandranji sangaidam tanangleji, bindo uante Kitungan dakuneten, kotten Mojes karran tungtungparjed lungudan adamban iyeten” (Hanagod 20:21).

Butente Kitungan a d’ong awrloge timyimteji do erobjongdage, aninji adamban iyeteji. Kitungan asuyuman asanang arzrzn dakkueten, asuyuman adarakunaba ayirben asan.

Di-dargam madranji amang daku. aboi ate bayiran amandrengna orde bo lankka lankka mandrengna. Do anabagu ate along mandrengna, itente ate ganiyta adea. Gamlenden kan abernan bo kanalkalan abmele gadlamte manan barulingan baru-alankkalingan akanalkalan. Barun abmele, bo jontun agarumte ate, do ateng sanadanji titte daku otidanji do jontunji.

Bindo baru-alankkalingan, gugudage ataruban labte do labsotai, lagad uyungan atanarling. Boi boi bangsa sanabyun dakute do bangsa anabgugu dakute. Bogad tette rurdinbange dakule janang, mandrengna lingben er sanabyun do tanunjingan, uggarben do monnaben do roitad uyungan adamban ampara dakunaben dete, Kitunglen Jisu Kristun ampara.

Dile-denna, rayil-dagalda, Kitungan adamban adakunaben abmele baruban ayirben dete, do atanurdu-lingan do anabgugu-lingan m’oihnaben dete. bo tagor amben Kitungan adamban ayirlenden, amben mandrengnalingben itejanang anabkalkalanji do banangtonganji yiraite janang adbantonge kan ordarlingan.

Mojes Kitungan batte armukka armukka arberle dakulenji. Gamangtungan gameten: do Mojes ansoinam yirai gamle, bindo aninji adamba-Hen adyiraiji; ijalingden mandranji anin ampara ayirben dete lanankkaba.” Er maridan batte buteja Gamangtungan a d’ong gijle adrabtie.

“Do Hen kun a darakuna lingan aman ampara arrabangtabe do asuyem sarobgoban a lanangkan saring, anosai sakki pelan a lanangka lingan danakkun delen a bagu kirubanji a tarangdi saring, aman ampara arberre Israel maranji apsele kuddub banaih-Henji d’ong-nam gadlamtai” (Hanagod 25:22). “Angante Mojes ranukkun a tambusing lingan ganeten, seletten sundang-twran latsolen, tambusingan a garannaban tanangeten. Do ante saring Gamangtungan Mojes ampara arberre” (Hanagod 33:9).

Tanahimdam Kitungan a onagji, Kitunglen amangba idjaja anegoi anogandin agasa kun ate mandra-Henji orde kan ate mandra-Henji gamle. Ayengan a Kitung Mojes batte arberreji amben janang batte arberte. Angante ambendaman amadriddamte, do asaite Kitungan a berna andangben asan, Anin amben adamban iylearaptite.

Okiy Kinolbe absele: “Hen Gamangtungan a d’ong arjod ababmangtai; jandrumsengba-hen Anin dakuten asan hen erztnage detai” (Sanenken 16:8).