Dec 13 – DEVER ATHMA DEELO KANNAI KARENI

Geeder Grandh 55:6 Jana ma keldo- manna kabuthrer nai pankoda ratho, ma vadajan araamena leletho.

Kabutharen dekatho vo masaj jorga vadecha. Deken vunder pakoda pathalsadak dikavacha pan voj pakodavuthi kathra daad vathoi hanoj vadan jaavukaracha.

Kabutharen paalevalo hano ko  kunsi kabutharen red yekhaptha phalana jaag jaavnu kan vuncho chonakeykatho firstu vo suryar vodi vunch vadan vunden jaavnujako vaaten malam karlen vothaj vadan javacha. Yekek kabuthar hajarer athra ghandoor vathoi javacha.

Kannavatho Yesu Prabhu Baptism lidoko janaj Pavithar Athma kabutharer nai Yesu Prabhu vumper asmanethi vadan ayi. Yetha kunsi tharar gurutvaakarshan kai cheni. Hanoj Pavithar Athma thar vumper sada athanu thona sahayatha karacha. Pavithar Athma abhishek kajako malavema vunder dall phutan paapen voppleythanu rovu karachko vuner vumper Pavithar Athma achanak dagaryavacha.

Ham yen gavai demajana achamkalamo vejamacha.  Voj vagathema thodsek admivo hunen vo baptisam lervasu Deven havaal karlajako seji abhishek palacha. Hanoj ker dallema tharas ann Dever saru bhookethi ghasan dekukarachko vo seji sada abhisheken palacha.

Yesu Prabhur chelavo kanna sey bhalan vuncher gharema golavemelethey vundema chajako tharas ann Dever saru bhooker asa bethi jana, jorethi maarajako valer nai athanu  votha vetheyjako seri vumper Pavithar Athmathi abhishek paldey. Yesu Prabhu kojako sogan ‘ Pavithar Athma thamaper avajana tham jor palocho’ puro vegi.

Apostler kaam 8:39 vachanema chaju, apostler kaamema dekatho Pavithar Athma masaj admivun malaver nai churchema laayo kan. Vuj Pavithar Athmar Nazarethi Yithiophiar manthrin dekan Philipen vor rathamer sath dhasan jaan Yesu Prabhu kan malamver sath vu jannaj panima baptismam lelido jerpacha Dever Athma Philippun dusar jag seva karen lelen dagargo kan padacha.

Apostler kaam 13:2 vachanema padajana Antioch churchvaal Prabhu na aradhana karan vupavaas karrejana, Barnabanan Saulena ma balyojako seva vasu, vunden taalnkokan Pavithar Athma ko. Mar premer Dever beptavo vuj Pavithar Athma aaj sada thar arajena vinthina samalan jhadin vuthar denu keleroch jesaru thu puchastho lelechi.

Ajji jada dhyan karen pado Yohan 1:32 Vujii Yohan gavaayi detho- Pavithar Athma kabutharen nai asmanethi vutharan, Yesur vumper rajen ditto.