Dec 12 – PRABHUGI LAMBIDA

“Nahakki kanbiba mapu Israel gi asengba aduna hairi” “ei nahakki Prabhu Iswarni,eihak nahakki kanbiba mapuni, eina nahakpu kannaba lambida lamjingbi,nahakna chatkadaba lambida eina lamjingbi.” (Isaiah 48:17)

Mahakki maphamda nahakna pum pi pishinba matamda Iswarna nangbu mahakki pandamgi lambida chingbiragani. Mahakna nangbu changkhonba lambida chingbigani. Mahakpu eikhoiga loinari , mahakna eikhoiga chatminnaribani. Maram aduna Davidna asumna hairi, “eina asibagi tampakta chatlurabasu, eina akiba leiroi, maramdi nahakna eibu loinabiri, nahakki cheisu cheireng aduna eibu themjinbiri.” (Psalm 23:4).

Houjikkangi misingna mahakki panggalgi mapanna lambi semnaba hotnare. Kananasu mahakpu lamjingbiba mathou tade haina khalli. Mahakna lousing gyan darkar leiba khudingmaktu leire haina khalli. Adubu mahakki mityengda achumba lambini haina khalliba adu mahakki damakta mangtaknaba lambi oirakle. Mi mayam asi phattaba thawaina otpiduna waraga leire. Makhoibu seranna lamjinbire, aduga hakchang gi apambada, yu ngaoba da amadi mitu miwa lannaba da seranna lamjingbire.

Naha oiringeida Iswarna karamna lamjingbibano haibasi Josephna ngaklamgani. Mahakna wahang kaya hangninglamgani, asigumna, “karigi damakta eigi ichin inaosingna eibu yonthoklibano?, eibu  Egyptki leibakta karigi puribano?:,karigi damakta eina Pothiphargi yumda thabak tou gadouribano? Aduga eina chumlabasu lanna pao tambirabano? Adubu Iswarna mahakki awabasing adu aphabada onthokpiba matamda mahakpu nungshijaba misinggi damakta Iswarna khudingmak asi aphaba gi damakta toubi haibasi Josephna ningsinglakli.

Iswarna mahakpu Egyptki leibakta Prime Minister oina wangna thanggatpiba matamda mahak asi Iswarna lamjingbibani aduga mahakki imung amadi mi kayagi damakta  chak tangpa matamda darkar leiba sing pinaba sinnabani haibasi Joseph na ningsinglakle. ​Daniel, Joseph, David, amadi atop atoppa asengba misingbu lamjingbiramba Iswar aduna nangbusu lamjingbigani.  Maram aduna nahakna pukning sonthaganu, adubu Iswarna nahakpu lamjingbigani haiba thajou.

Iswarna eigi baba bu karamna lamjingbirambano haibasi eihak isana su munna dhyan tou rami. Mahak dukanda mateng  pangba mi ama oina hourammi. Aduga   school amada oja oina su lerammi. Aduga Iswarna pangbibana maram oiraga mahak Income Tax departmentda da thabak tourammi. Mahakna mapham aduda chahi 16  thabak tourammi. Iswargi thawaina eigi baba bu lamjingbiduna mahakpu ministry da chingsinbire. Iswarna mahakpu lamjingbigani haina chetna thajabana maram oiraga Iswarna mahakpu achouba thabakta sijinnarammi. Nungshiba Iswargi machasing, Iswarna nangbu lamjingbiba ngammi. Mahakna nahakpu aroiba phaoba lamjingbigani.

Dhyan tougadaba: “nakhoigi narakta Iswar kiba kana leibage? Mahakki manai nipa adugi khonjel kana na tabage? Amambada chatliba mangal phangdribasing, Iswargi mingda thajaba thamsanu, aduga Iswarda ngajasanu..” (Isaiah 50:10)