Dec 13 – Isor laga atma kitya bi deri nakure!

Psalms 55:6 ami bhabi ase, kopou chiriya nisina amilaga  bi pankha thakile ami uri kene shanti thakia jagate jaikene bohibo.

Kopoku chiriya tu ahram pora hi uri thake. Tai laga pankha khan tu sabole aharam thakile bi, tai khan bishi tagot thake. Tai khan laga pankha laga tagot pora, tai khan narukhi kene din din tok uri thakibo pare.

Ekta manu jun pora kopou chiriya ke palishe koishe  ki judi apuni ekbar taikhan ke uri bole diye, tai khan joldi hi uporte uri jai suraj laga usor te aru taikhan laga rasta ke bisari loi, jote tai khan nijor laga khushi pora uri bole pare, narukhi kene. Kunuba khan tu hazar km dur bi jabole pare.

Jitya Jisu Krista ke baptisma dishe, swarg laga kopou- jitu pobitro atma thakishe juntu tai laga uporte deri tok thakishe. hoi pobitro atma bi apuni khan uporte ahibo apuni ke modot kuribole.

Camp khan te jitya manu khan  kandi kene tai khan laga mon sob di kene pobitro atma ke bhorta khuri dibi koi kene mate, pobitro atma hodai hi ahe. Amikhan jitya itu ke dekhe amikhan bishi achurit hoi jai. Aru kunnuba khan tu utu din te hi pobiitro atma pora chui jun din te tai khan baptisma loi. Pobitro atma pora  tai laga tagot khan sob ke diye jun khan tai ke bisare pyas lagi kene arum on te icha thaki kene tai ke bisre.

Jitya disciples khan upor laga karma te  jama hoishe aru prathan kuri thakishe mon te bukh aru pyas pobitro atma karone, pobitro atma tai khan sob uporte ahishe, hawa jor pora aha nishina awaz kuri kene ahishe. Itu pora hi pobitro kotha ke pura kure: “apuni khan tagot pabo jitya pobitro atma apuni uporte a hibo.”

Acts laga kitab  te, ami khan puribole pai kinika pobitro atma pora dangor kam khan kurishe, girja ke khara kuribole. Pobitro atma laga suku pora minister kurishe Ethiopia pora aru Philip ke shikaishe tai laga chariot laga pichete jabole. Aru itu pichete gospel ke koa pichete  aru baptisma diya pichete, Philip ke alag ministry kuribole nimite loi jaishe(acts 8:39)

Jitya antiocha laga girja khan prathana upwas kurishe itu pobitro kotha ke kobole nimite, pobitro atma tai khan logote ahishe aru koishe: “barnabas aru saul kea mi juntu kam korabole ase itu kam nimite alag kori kene rakhibi.Oh Isor laga bacha khan, aji laga homoite bi pobitro atma icha kuri ase apuni laga prathana laga jawab dibole, narukhi kene. Itu nimite mangibi aru pabo.

Aji bhabna kuribole laga pobitro kotha tu hoile John 1:32 pichete John itu kotha ke koise, “ ami dikhishe swarg pora ekta kopou chiriya nisina hoi kene atma  tai laga uporte rukhishe.