Dec 12 – PRABHUR VAATEYMA

Yeshaya 48:7 Tharo Vimochak Yisraeler Pavithar Dev chajako Yehova hano kerocha thona phaido vaju tharo Dev chajako Yehova Maaj thona vupadesh karuchu thu chalnujako vaatema chalavunchu.

Geeder Grandh 23:4 Ma motheyr andharer kholema chaluthoi kunsi keedeni ma chamkuni;thu mar sath chi, thar gedyan thar daang manna samjavacha. Daveed raj kerocha kanna apan Deven havaal karlachako jananj Prabhu sather vatema ann aacho baandema chalathanu Devaj sath rethanu mundag chalavacha kan jersey karroch.

Masaj admivo kai kelachkatho maaj mar jeevanema aach vaten maaj thayar karlenu. Kankren katho maa huvojanathij genethi ann akkalethi pedavochu, hano kelerejako aakharima vunder jeevano haal vejan naash vejarech kukan kechi thu biyya ken thu mann puchechi kaiko atho kuchu samal assa admi sathaner hathema haljarejakonaj hano kelacha. Kaivasu katho vu sathan asso sochethij bhararotho. Asso vatema thu chalastho thon kai soch avachkatho athra mando chujako ma marjavatho acho kunika kan kelechi, athraj koni pan vaddalo kaam karena, bhoother athmathi bharajachi, maando nazarethi sey thandrin dekechi, daaru piyevalernai haal vejachi. Yelahaptha soch kar.

Javaan  vummarema vethojako Yoseph vor jeevanema aayijako velan dekan Dev dakalojako sather vatemathi bhar Dagarjayervethi. Ann von ayijako velama vu hanno pucheja, asal maar bhaipana Midyaniyevalen kankren vechnakey? Manna Dev kankren Aiygupthemar sey jaagema lejarocha? Maar yajamaan Phothipherer gharema athra viswasmethi rathoi marvumper yee siksha khamrochu? Lapan yek daad aayi jana Yoseph malam karlino, kaikatho Dev prem karevalen sey velar vatemathi taalnakena sejini ach vatema chalavacha.

Yosepher jeevanen dekatho vu Aigupther pradhanmantri vegojana athra jada velar ann kaaler dadema vor katmalen paalan dhanethi khorayer vasu Yosephen Dev agediyaj votha melocha. Yosephena, Daveedena, Danielena, yesey sevakarevalen sopathren chalayojako Devaj aaj thon sada chalavachkan  dheerethi ra chamakmath. Devaj thon aach vatema malamkaran Himmathethi chalavacha.

Maa sada aaj maar baap Rev. Samjebadurai vadi kenukatho Dev agedi mar bapen yek angadima jhalaayevaler nai kaamdino, yek schoolema bodhakernai yek varas kaam dino, Pisa vasool karer departmentema 16 varas kaam karen sahay kido. Hanoj Dever Athmathi chalathanu Dever sevan bhanden balalino. Mar baaper mayima ghat viswasam vethojethi Dev mar bapen marajethanu vor daad seji Devaj ghano jorethi vaaldino.

Mar premer Dever beptavo vu Dev maro Yesu Christhu Prabhu thon aach vatema chalayen chajevalo chajethi thar jeevanen thar vaaten vona havaal karla. Ajji jada dhyan karen pado