Dec 12 – Isor laga rasta pora!

Isaiah 48:17 israel laga pobitro Isor Jehovah  jun apuni khan ke bachai thake koi ase, “ami apuni khan laga Ior Jehovah ase, jun apuni khan ke apuni laga nijor bhal nimite hikai thakearu juntu rasta te apuni khan jabole lage itu dikhai thake.

Jitya apuni khan nijor ke tai laga hath te diye tai pora cholabole nimite, Isor pora apuni ke tai laga kam karone loi jabo. Tai pora apuni khan ke thik rasta dikhabo. Jitya ami khan koi, ‘tai pora ami khanke cholabo’ itu laga motlob tu tai ami kahn logote ase aru tai pora hi ami khan ke cholabo. Raja david pora koi Psalms 23:4 tai laga usorte ami laga sob kotha khan ke rakhibole mon ase aru hosa pora ami laga kotha khan tai ke janai dibole mon ase.

Aji kali manu khan tai khan laga nijor rasta bonai  tai khan nijor laga tagot aru budhi pora. Tai khan bhabna kure nijor laga monte, ki tai khan ke aru kun bi nalage rasta dikhai dibole aru sikha bole. Taikhan bhaba kure ki tai khan logote sob budhi aru gyan ase ji ke tai khan lage. Hoilebi taikhan laga rasta ke ki hoi it utu tai khan ke mora laga rasta te aru borbad laga rasta te loi jai. Bishi khan galat rasta te ase, kilekoile tai khan biya aru satan laga icha te berai aru itu pora hi tai khan ke biya rasta te loi jai.

Joseph laga Juwan laga homoi te tai bhabna kuri thakishe kinika I sor pora tai ke loi anishe. Tai bishi sawal bi thakishe ki kile tai laga kokai kha taike midianites khan logote ekta naukar kuribole bikai dishes? Kile tai ke Egypt laga jagate hi anishe iman bishi jaga thaki kene? Kile pothiphar laga agete tai ke misa banai dishe jitya tai hosate hi thakishe? hoilebi, ekdin, jitya Isor pora itu khan sob dukh ke tai thik kuri dishe, joseph jani she ki sob khan tu kam kurishe bhal hobole karone hi jun khan Isor ke morom kure.

Jitya taike Egypt laga dangor manu hobole dishe, tai buji she ki Isor pora hi taike cholaishe, aru itu jagate anishe ki tai laga khandan khan ke sukha din te bachai kene rakhi bole nimitte. Itu Isor hi jun pora David, Joseph, D aniel, aru sob pracharak khan ke rasta dikhaishe tai pora hi apuni khan ke bi rasta dikhabo. Itu karone bhoi nakoribi aru dukh  bi nahobi, aru taike rasta dikkhabole hi rukhibi.

Ami bi utu din ke sai jitya Isor pora ministrty laga baba ke cholaishe. Tai rashan laga dukhan te modot kura manu hi thakishse. Pichete teacher laga kam eka sal karone kurishe. Aru itu pichete Income Tax offer hoi kene 6 sal tokmkam kurishe. Isor laga atma pora hi tai ke cholai kene itu Isor laga ministry ke khulibole dishe. Aru tai laga dangor biswa karone hi Isor jun pora taike iman dur anishe tai ke bhal aru dangor kam khan kuribole cholaishe. Oh Isor laga bacha khan, ami khan laga Isor tu dangor aru tagot thaka ase jun pora apuni ke rasta dikkhabo. Aru tai por ahi apuni ke khotom nohaoa tok rasta dikhabo.

Aji bhabna kuribole laga pobitro kotha tu  hoile Isaiah 50:10 apuni khan jun bi Jehovah ke sonman kuri ase, aru tai laga naukar khan laga kotha ke mani ase, apuni khan juntu rasta te berai ase utu rasta andhar hoilebi Jehovah uporte Biswas rakhibi, apuni khan laga Isor nimite ukhi thakibi.