Dec 11 – PRABHUR JOR

Hebrivalun 11:34Angarer jorena valaye; thalvarethi chodaldey;kam jorema joriya vegey;vereyma thakather vegey, paraler phojena haal kidey.

Yee vachanema dikarijako jor Yesun viswas karevalen Dev demelojako antharangamer admin badayer jor ven cha. Yeej jor thar kamjorema ghat hubaren sathaner phojethi yekloj laday maren kaam dacha.

Jeevadan jorethi bharlinejako dallema jor cheniju racha. Vunden andharo katho ann bhoother athma kathoi bhari dhak padach. Dever vumper bharo melekoni jegali vunden sambhand chenijey vathema ghabra javukarach ann nanki nanki sandarbhavuma sada dall phutaju chamkukarach.

Lapan yek admin Dev kukan jor dacha? Agedi vona kamjorema sada hubarer athra viswasam dacha. Dev jannen balavajana kamjorevalenaj balavacha

2 Corinthivalun 10:10 vachanema dekatho voro kaagad bhari bhari soseran jorer cha;pan, Vor jeevadar roop halakon Vor vaath kaamdeniju chaken kerecha. (Philippivalun 4:13) vachan dekatho, Manna jor karevalethi ma solina karuchu.

Kan apostle Paul kacha. Ajji (Geeder Grandh 29:11) vachan kacha, Yehova Vor jannuna thakathena dacha ,Yehova Vor jannuna samadhanethi ashish karacha. Janna Yesu Dev yek soganer vathen hakkamethi kacha, Apostler kaam 1:8 , Pan Pavithar Athma thamaper avajana tham jor palocho kan ko.

Athraj koni Luka 24:49 vachanema lakan cha, Maar Baap bachan dinojena yidek Ma Thamar vaas meluchu;pan tham paramethi avajako jorena palajethanu Yerushalem sharema ro kan ko.