Dec 11 – ISWARGI PANGGAL

“…Meigi panggal muthalle, kabakthang mayadagi hinglakle, asonbadagi kallakle, landa khutkan panggallakle, mireibakki lanmisingbu tanthokle.”(Hebrews11:34)

Masida hairiba panggal asi thajabagi mapanna phangba nunggi oiba Iswarna piba panggal aduni. Masigi panggal asina nangna sonba matamdasu panggal pibibani. Masina lan sokpada nangbu lan ngamba oinaba mateng pibi.

Mi mayam hakchangda di yamna kanba adubu thamoidadi yamna thouna leite. Makhoina amamba amadi phattaba thawaising bu yamna kiduna lei. Kari su nataba potta yamna thamoi sonthaduna lei. Makhoina thouna wattuna kiganba punshi hingduna lei. Masigi maramdi makhoina Iswarda ngajadaduna makhoigi panggal da ngajabagini.

Adubu Iswarna mi amabu karamna panggal kankhat hanbage? Khwaidagi ahanbada sonthaba mi amabusu thajaba pibiraga panggal kal hanbi. Mahakna asonba singbu khanbi. Akanba singbu ikaihannaba asonbasing bu koubire. Nahak sonba tarabasu thouna phana Iswargi nakta changsillu, aduga Mahakna nangbu panggal pibigani aduga mahakki thabakta nangbu chaona sijinnabigani.

Pakhonchatpa Paul adu sollammi. Mahakpu sonthahannaba mahakki hakchangda tingkhang ama pibibani. Mahakki hakchang phaosu yamna sonna ui. (2Corinthians 10:10). Adubu Iswarna mahakpu panggal pibikhi aduga Mahakki damakta thouna leiba sakhi ama oihankhi. Maram aduna Paulna asumna hairammi, “Maram adugi damak eina Khristagi maramgi damak ason asonbada, mingchat athi athibada, anang anangbada, thina thina otpada, achin achinbada apenba oijei; maramdi eina sonba matam aduda ipanggal kalli.”(2Corinthians12:10).

Paul na asumnasu phongdoklammi, “Eibu panggal kalhanbiba ibungogi mapanna eina thabak pumnamak itou touba ngamjei. ”(Philippians4:13). Nahakna Iswarda changkhonba thajaba thamba matamda nahakki nunggi oiba mi adu panggal kangani. Biblena hai, ” Iswarna mahakki misingda panggal pibigani. ”(Psalm29:11).

Iswarna nanggi damakta atoppa panggal amasu wasakpiri-mathak lomdagi lakpa panggal ni, madu Thawai Asengbagi panggalni. Eikhoigi Prabhu Jesuna haikhi” Touigumbasung thawai asengbana nakhoigi thakta lengthabiraklabada, nakhoina panggal phangjagani; aduga nakhoina Jerusalemda Jihudiya amasung Samariya pumnamakta, aduga prithibigi aroiba maphamda eigi sakhi oigani. ”(Acts1:8).

Maram aduna mathaklomdagi lakpa panggal aduda nahak khwangchet laksillu. (Luke.24:49).Adubu Iswarda ngaijaba singdi mapanggal tekkhathangani, makhoi umaibigumna wangna paikhatkani, makhoi chengani aduga chokthaba leiroi.”(Isaiah40:31). Makhoigi punshi adu anouba panggal na thangani. Maram aduna Iswargi machasing nakhoi Thawai asengbagi panggal oiba mathaklomgi panggal aduna pik thanba oiyu. .

Dhyan tougadaba:“Eigi pambomsing kal hanbiba amadi eigi lambi mapum phahanba adu Iswarni. ”(Psalm18:32)