Dec 11 – KITUNGAN ARANAPTIN!

“togin a ranaptin padhidleji, kardiban a anaswban saring rabrabdamlenji, tan’ul tedan saring ranadun hangleji, sanugod lingan boiboi ranaptidam deleji, luka sanu maranji a d’ong gonleji.” (Ebri 11:34).

Ranaptin abmele tedne gijtabe, alunmarlen apsele Kitungdage a ranapti, derna batte. Er t’ulan ayam Kitungdage a ranapti radulangten. Do kan batte sayamlangten a sanunaben kanalkalan ayamling.Ateng mandranji d’ongdage radu uggarlingan er t’uldakuji.

Aninji batongteji lanumudan do er marid janggardan. Enegoi ayamling janang, aninji kudintinji a j’elinganji. Do aninji anuyuban agsan batte banantongan batte m’engtenji. Kan ambrij, amandrengna linganji Kitungan a ranapti ling aderdernanji.

Bindo yangam mandran a d’ong Kitungan abradute? Anab-boi, Anin dernan tiyte do er ranaptin ayamling janang ranaptin tiyte. Angante Anin gudingte mandran a d’ong do abigardale Anindaman, Anin sedale er t’ulanji. Bibolan gamte er t’ulanji sedale ranapti maranji a d’ong abgadroiben. Bogad amben nami er t’ul dakulabenden, anuyuban batte Kitungan atimangban yirba do Anin ranapti tiytaben, do Anin apsele ranaptidage hamdrambenten.

Anappai Pole er t’uldage dakule. A d’onglingan hibba pano dele, er t’ul saring er t’ul dakule. A d’ongdaman gijtale, er tul-lingan ranabangan dele (2 Korintian 10:10). Bindo Kitungan hamdramle ranaptidage do umengdage baran ablumlumle. Kun asan Pol gamte: “Anten asan Kristun apsele hen er t’ulanji, ganaroijanji, anasuijanji, tanamderanji, do rakud kanalkalanji abmele m’oihdatenai, iten asan gamlenden angante hen er t’ul daku, seletten hen boiboi ranaptidam” (2 Korintia 12:10).

Pol janang uyubloge gamle: “D’ong-hen abraduten a Kristun batte kuddub baran rapti lumtai” (Pilippi 4:13). Angante aderderten Kitungan amanglen, along d’ongling-ben ranaptin agijte. Bibolan gamte: “Gamangtungan Anin a mandranji a d’ong ranadun tiyte” (Sanenken 29:11).

Amben apsele Kitungan bo bigarda aranapti abmele jzbjzbneten-ranapti lanangkaban saring, kun ate Marid Janggardan a ranapti. Kitunglen Jisun gamte: “Bindo angante Marid Janggardan labsotai amben ranaptin ahangte” (Anappai 1:8).

Anten asan lanangkaba aranapti batte jalangten (Luk 24:49). “Bindo butente Kitungan a d’ong omdile dakutenji bartabmete aranaptinji; aninji  raja-ontidan ambrij renengle lanangkaban engteji; aninji yzrtenji bindo lingkij ongkijge adde-eji, aninji halen yerteji bindo abmanggaeji” (Jisaya 40:31). Aninji tabme ranapti hangtaji. Anten asan, Tanahimdam Kitungan a onagji, Marid Janggardan batte barij deba, lanangkaba a ranaptin batte.

Okiy Kinolbe absele: “Butente d’ong-hen rabdutih do butente hen a godan rojol abmete, Anin na Kitungan” (Sanenken 18:32).