Dec 10 – DEVER NAAM

Aposthler kaam 3:16Yesur naameparer viswasmethi, Vor naamaj tham dekan malamkieojako yena jor kidocha;vothi vojako viswasmaj, thamar serang yena puro vaaru kidocha.

Yesu Christhur naamema thon jor cha. Yesur naamemaj thon jor malacha. Khasa Yesu Dever naam padamelochijethi thu jorethi bharan Dever saru mahimar kaam karechi.

Apostler kaam 3:6-7, jana Pethru – rupon sono maar dayi cheni;pan maar dai chajen thon dunchu; Nazarether Yesu christhur naamema chaal kan ko. Vor jaman haath jhallen vatado;jannaj vor taangan kheeley jor vegi. Yee admir vadi dekatho vor yaadir petema huyojannathij tunto vethojen Yesur naamemaj Pethru ann Yohan mahimar kaam kidey.

Apostler kaam 3:16 Yesur naameparer viswasmethi, Vor naamaj tham dekan malamkieojako yena jor kidocha;vothi vojako viswasmaj, thamar serang yena puro vaaru kidocha. Yee tunto vaaru vegojana seyji masaja achamkala vegey jana Pethru yek rahasyam malam karoch Apostle Paul kaju manna jor devaler naamema ma sejina karuchu. Vimochaner Grandh 15:2 vachanema lakancha Yehovaj maro balam maaro geed, Vuj maro rakshak vego, Vu maro Dev cha ma Vona vivavaran karuchu. Vu maro vasbuder Dev chajethi ma Vona mahima karuchu. Yee mahimar vathen Mosey ann Miriam doyi Dev laal samandaremthi bhar chalan Aiguptheval Pharor ghoder rathamevun voj samundar mayima dubagnakojan Deven mahima kidey. Jethi geeden bolevalo hano lakkacha Geeder Grandh 18:1, 29,32 Yehova maar jor, thon ma prem karuchu.

Thathi yek phojena ma jeethuchu, maar Devethi yek godan languchu. Jorethi maar lad bhandan, maar baate na jathan karevalo Devaj. Yesey vathethi thu himmath lelen Yesu kajako sethi moto naamema jor paala.

Ajji jada dhyan karen pado Geeder Grandh 46:1 Dev apanena aasron, joran aapthir vagathema saayi vevalo sonathya cha.