Dec 10 – Isor laga naam!

Acts 3:16 utu nam laga Shakti pora hi utu lenggra manu laga theng te tagot ahishe. Apuni khan ki dikhise aru hunise itu khan sob utu nam te Biswas kora pora hi ase; apuni khan sob dekha nisina Jisu Krista ke Biswas kora nimite hi bhal hoise.

Apunikhan bi dangor tagot ase Isor Jisu Krista lagan am pora. Khali tai l;aga nam pora hi apuni tagot pabo. Kilekoile apuni Isor laga nam loi, itu pora hi apuni dangor kam khan kuribole paribo.

Ekdin jitya peter aru john mondirte uthishe, tai khan dikhishe ektamanu jun hi ama laga pet pora hi lengra thakishe. tai laga theng te tagot thakanai aru tai iku kam kuri kene khabole. Tai bishi dukh te thakishe aru aru komjur bi thakishe. peter koishe Acts 3:6-7 ami logote sona chandi nai, hoilebi ami logote ki aseitu apuni ke di ase; Nazareth laga Jisu Krista laga nam pora uthi kene berabi.tai laga dahina hath dhuri kene taike khara hobole nimite modot kurise . ekbarte utu manu laga theng te tagot ahise.

Kiman manu utu lengra manu bhal hoa ke dikhi she tai khan sob bi achurit hoishe. Aru peter pora dikhaishe, ki it utu Isor laga naam karone hi thakishe ji pora taike changai kurishe aru theng te tagot dishe. Acts 3:16  utu nam laga Shakti pora hi utu lenggra manu laga theng te tagot ahishe. Apuni khan ki dikhise aru hunise itu khan sob utu nam te Biswas kora pora hi ase; apuni khan sob dekha nisina Jisu Krista ke Biswas kora nimite hi bhal hoise.

Jitya Israel manu khan Egypt pora ulai jaishe. Pharaoh por ataikhan ke tai laga tagot sipahi khan pora khedaishse. Israel manu khan jun khan logote iku bi hathyar thakanai tai khan kitya bi utu sipahi khan laga samna kuribole paribo thakanai. Hoilebi tai khan Isor ke bisari kene tai laga nam loishs. Jitya moses pora tai laga lathi ulaishse. Pharaoh aru tai laga sop sipahi khan ke lal samundar pora hi dubaidishe. Itu homoi hi thakishe jitya moses aru Mariam Isor laga mahima kurishe gana gai kene, exodus 15:2 jehovah tagot cholai kene amike bachai thake; tai hi ase jun  amike bachaishe. Tai ami laga Isor ase, ami tailaga nam ke uncha kuribo, tai ami laga baba laga Isor ase , aru ami tai laga dangor dangor kam khan laga gana kuribo.

Biswas thakibi Isor lagan am te aru uncha kuribi Jisu Krista lagan am ke lagatar apuni laga mon te. Tai pora kosom dishe apuni ke ki apuni iku mangile bi tai lagan am pora, Biswas thaki kene apuni ke dibo. Tai laga naam te bishi tagot ase. Aru apuni bachi jabo aru sob apuni logote thik hobo jitya apuni Isor lagan am te berabo.

David pora bi Isor laga nam ke uncha kurishe gana kuri kene Psalms 18:1: “ami morom kuribo apuni ke, oh Isor ami laga tagot” psalms 18:29 ami laga dushman khan nimite lorai kuribole nimite apuni amike tagot di ase aru tai khan ke harabole nimite Shakti di ase.  Psalms 18:32 tai utu Isor ase jun amike tagot di thake, jun amilaga rasta pora bi biya khan ke hatai di thake. David pora hodai din isor lagan am uncha kuri thakishe aru tagot paishe tai laga nam pora. Oh Isor laga bacha khan, apuni khan hodai din Isor laga nam te tagot bisaribolage. Jitya Isor apuni laga tagot bane, apuni ke kun bi hilabole naparibo.

Aji bhabna kuribole laga pobitro kotha tu hoile Psalms 46:1 Isor hi ami khan laga jaga ase aru ami khan laga tagot ase; digdar homoi te hodai modot kuribole nimite toyari ase.