Dec 09 – Isor laga Shakti!

Luke 5:17 aru POrmeshwar laga Shakti tu thakishe taikhan ke bhal kuribole nimite.

Isor pora kosom dishe changai kura laga Shakti ami khan laga majete thakibokoi kene. Sob kisim laga changai majote atma laga changai thaka tu bishi zaroori ase. Judi apuni laga atma bahl thake, taitya apuni laga gau bi bhal thakibo, aru sob te thik thakibo.

Raja david pora koishe, Psaslms 41:4 te koishe, ‘oh Jehovah ami ke morom kuribi; ami laga atma ke bhal kori dibi; kilekoile ami apuni laga usorte pap kurise.  Hoi apuni aru Isor laga rishta tu titya hi bhal aru notun hoi jitya apuni  nijor laga pap ke swikar kure. Aru titya hi apuni ekta khushi laga anubhav hoi aru aru apuni atma laga changai pai.

Isosr pora koi, “ami ami laga manu khan ke wapas ami logote anibo. Ami amilga pura mon pora tai khan ke morom kuribo; ami aru tai khanlogote khng hoi kene nathakibo.” (hosea 14:4) yate apuni khan dikhi pabo kinika Isor pora ghuri ja manu bodli hoi kene isor usorte ahi kene changai paishe. Jitya manu khan Isor pora ghuri kene jai tai khan laga prithibi laga icha khan kaorne, tai khan laga ghamand karone aru wapas ahishe koile Isor pora inika khan ke hodai din hi khemai kure.

Kun khan ke Isor pora inika khemai kure? Tai changai kure mon bhangi kene thaka khan ke (luke 4:18) porikha aru dukkh, har aru mana kori diya inika khan pora ami khan laga monk e bhangai diye. Itu pora ami khan laga mon atma ke chipai diye. Jitya apuni khan ke mana kuri diye apuni pora Biswas thaka manu khan pora, titya apuni pura mon bhangi jai. Inika homoi te, khali Isor pora hi chui kene apuni ke changai kuribole paribo.. tai pora mon bhanga khan ke changai kure aru bandhi kene thaka mon pora itu khan ke shanti aru ahram diye.

Bishi kosom khan ase Isor laga pobitro kotha te jitu ami khan laga changai laga kotha koi. Changai kura apuni laga atma aru gau laga. Changai kure apuni Isor pora ghurai ja laga bhabna pora. Aru changai kure jun khan laga kun bi nai aru jun khan prithibi te kom ase. Kiman bi mon bhal aru morom thaka laga Isor ase ami khan laga! Isor pora kooi jeremiah 33:6 thakibi ami anibo bhal gau aru changai; ami changai kuribo tai khan ke aru dikhai dibo taikhan ke ashirbad shanti aru hosa laga”

Isor laga ministry laga homoi te itu prithibi te, ekta manu bi thakanai jun ghurai she Isor laga mahima aru changai nadikhi kene. Oh Isor laga bacha khan, ami khan laga Isor tai ase jun hi badly nahoi jua kali bi aji abi aru aha kali bi, tai hi apuni khan ke bachai kene changai dibo aji bi.

Aji bhaban kuribole laga pobitro kotha tu hoile Matthew 4:23 jisu galilee laga jun jagate manu khan joma hoi, utu jag ate jai kene Iso laga desh laga khushi khobor ke kobole suru kure aru manu khan laga bimar khan ke bhal kore.