Dec 08 – KITUNGAN A BERNA!

“Bar a bernan uggar-ling-hen hamangtudge hamangte….” (Jirimiya 20:9).

Tumadgijmar Jirimiya yan alangaber oblingle! Kun ayam-ling Kitungan a berna kznol-le, a uggar lingan anin tiyj’eneten. Do a janglingan hamangtudan ambrij hamangle a berna batte. Ogandile gijba jajingan timyimle a d’ongan do Kitungan a berna ling tiyj’eling!

Enegoi ateng mandranji daku ayengan amandranji Kitungan a bernan saiteji, anangte aninji kanalkal-lingan yirteji angante aninji duaisonuman batte ganadlu deteji. Kan ambrij er bangsa lingan ayam. Bogad amben a surpidamlinanden Kitungan abernaling, eteden mandrengnaben anabsittan dete. Kitungan a berna monna-ling-ben pangtai, angante amben lingkij ongkijge adete adnang. Derna lingan raduloge atanangben asan sayambenten.

Tumadgijmar Jirimiya, Kitungan a berna adkinolad, egale dile denan a kinolan ambrij. Kan ate a j’elingan jaeten, bo denna ogandile tiyj’eling dakuneten. Anin aninji a d’ong hamle adakueten asan a berna a uggaranji hamangtudan ambrij dele. U u, amben janang Kitungan a berna ling a tiyj’enaben dete, erang juntud beran eradulaben alumben dete. etteden amben a s’ing-lingan dakutaben, garberna mandrengnaben daina lingan abhanaben dete a bernan batte.

Angante Kitungan a bernan uggarlingben yirtai, do manglingben dakuten, antatiki t’odlingben saring adungten a bernan, Kitungdage a bernan dungte. Do kuddub garberben radudage dakute Kitungan a janzbjzb-beranji ambrij. Baralingben Kitungan dakute. Bibolan gamte Kitungan a bernan mandrengnan do Janggardan tiylangten.

Kitungan Jirimiya a d’oong gamle: “Darakkuon lingan Hen endrang gardzamen abmang, Hen d’ong-nam galamlai, bar aman endrang karudkudan de-en abmang Hen madridlam; bzgarda jattinji amang linganji tungmadgij maran a deben asan tabngijlam” (Jirimiya 1:5). Jirimiya kun bernanji anin jale do tiyj’eling. Anten asan anin a d’ong Kitungan ranapti tumadgijmarge hamdramle.

Tanahimdam Kitungan a onagji, kuddub janzbjzbanji amaneben asan oskainaba. Do aberna lingan tiyj’enaba, along uggarben adhamange sikoija, do adjuntuden sikoija. Angante kun ambrij amben alumte, amben anabsittan debenten Kitungan batte do abdainabenten anin abmele do ranaptidage hamdrambenten anin abmele.

Okiy Kinolbe absele: “Anten asan kuduai kuduaianji a Gamangtungan gamte: Gijba, aninji kan a bernan gamtenji asan, Hen t’od-ling-nam a berna-Hen togin ambrij abmetai; do kan a mandranji a d’ong angalan ambrij abmetai do togin aninji a d’ong jumle szdte” (Jirimiya 5:14).