Dec 07 – Isor laga kandha!

Isaiah 9:6 ami kahn logote ekta bacha jonom hoise! Amikhan ke ekta chokra dise! Aru tai amikhan laga raja hobole ase. Tai laga nam hobo ‘achurit ukil’, ‘shaktiman Isor’, ‘hodai hodai laga baba’, shanti laga raja’.

Isor laga tagot aru Shakti thaka kandha ke sabi! Pobitro kotah te koi, sorakar tai laga kandha te hobo. Jitya amikhan tai laga kandha te sai, ami khan tai laga sorkar dikhe. Yate itu ‘sorkar’ koa laga motlob tu hoile, raj kora, hok thaka aru zimedar hua ke koi ase. Aru itu pora hi English bible te ‘government’ koi ase ami khan sorkar koi kene hi janibole pai.

Prithibi laga sorkar nahoi kene, ami khan Isor laga sorkar tu hoile swarg laga ase aru itu laga rajyo tu hoile swarg aru prithibi te bi ase. Aru tai laga sorkar raj tu sob tagot ase itu prithibi ;aga sob tagot aru raj uporte, kile koile tai hi sob laga Isor ase.

Itu karone ami khan tai ke Isor nahoi hoilebi baba Jehovah koi kene mate. Sob tu tai laga raj te hi ase. Jitya apuni khan tai laga tagot aru shaktiman kandha ke sabo, apuni khan dikkhibo swarg, prithibi aru itu sristi laga sob akar khan ke dikhi pabo.

Jitya saul ke Isor pora Israel laga raja hobole chuni loishe, tai pora sabole bhal thaka Israel te aru chokra thakanai. Tai laga kandha tu uncha thakishe dusra manu khan pora bi (1samuel 9:2) hoilebi ami khan Isor laga ki mahima ase? Tai sob khan pora uncha ase itu prithibi khan laga dngor manu khan pora bi. Sorkar itu sob sristi laga tai laga kandha uporte hi ase.

Ekta sorkar laga bisshi kam thake. Sobse poila, tai khan laga manu ke bachai kene rakhi bole. Tai khan kanoon khan bonai kene rakhe nijor laga desh nimite. Aru tai khan pora dyan rakhe ki tai khan laga manu laga sob zaroorat khan tu pura hoi ase. Itu ekla nahoi kene, dushman khan pora bi taikhan laga manu ke bachai kene rakhe. Sob manu khan tu utu sorkar ke hi sabo jun pora tai khan laga zaroorat khan ke sai aru sob pora bachai kene rakhe, tai khan laga niyai nimite.

Itu nishina hi, apuni khan bi Isor lag kandha ke sabi, aru apuni khanlaga dukh khan sob Isor ke dibi aru tai laga kandha ke bharosa kuribi. Ekbar apuni itu kurisai le tu, tai apuni ke bachai kene rakhi bo, apuni ke niyai dibo aru aru ashirbad kuribo. Aru apuni nijor ke shanti aru khushi te thaka dikkhi pabo.

Kunuba prithibi laga sorkar khan tu kityaba dukh laga homoi bi pabo pare. Hoilebi Isor laga rajyo te tu kityabi dukh diggdar napabo. Itu rajyo sorkar tu hoile ashirbad hi ase. Oh Isor laga bacha khan, sabi tai laga sorkar ke jitu Jisu laga kandha te ase, aru itu uporte hi sob di kene Biswas kuribi.

Aji bhabna kuribole laga  pobitro kotha tu hoile Isaiah 9:6,7 6 ami kahn logote ekta bacha jonom hoise! Amikhan ke ekta chokra dise! Aru tai amikhan laga raja hobole ase. Tai laga nam hobo ‘achurit ukil’, ‘shaktiman Isor’, ‘hodai hodai laga baba’, shanti laga raja’. Tai laga raja laga tagot uthi thakibo. Tai laga deshte hodai shanti thakibo. Tai raja david laga khandan laga nam te desh ke cholabo,tai laga phaisla khan hosa ru thik hobo, itia bi aru hodai hodai nimite. Pormeahwar Jehovah itu khan sob koribole nimite bhabna kuri loise.