Dec 07 – KITUNGAN A KAPARDAN!

‘Anin a kaparda lingan dane-birdaran danakkun dete….” (Jisaya 9:6).

Gijgijba Kitungle a ranapti do a ranadu a kapardaban! Bibolan gamte Anin a kapardan lingan dane-birdaran danakkun dete. Angante kapardaban gijgijtabe, gijtaben Anin a dane baran. Dane baran gamlenden ateng birnanji daku manan adaneben, danebaran do jznjzndanemar. English Bibol-lingan hanandraman dele kan a bernan ‘Dane Birdaran’.

Kan ordarlingan bigarda bigarda sorkaranji daku, Kitungle ruangan adanemar, do dane baran lumte ruangan do ordaran. Do Anin adane baran kan kuddub ordarlingan aranaptin do alunuman daku, Anin Kitungan kan kuddub manengba.

Anten asan anlen ‘Kitung’ gamle adgudingben bindo Anin a d’ong ‘Gamangtung’ gamle gudingtabe. Kudduban adanelingan daku. angante agijte ranapti do ranadu a kapardan, amben gijle araptite kuddub ordar do ruangan do kuddub ordardesan a kapardanlingan dakute.

Angante saulo a d’ong sanedan dele Gamangtungan batte Raja dane taniyen dele Israel apsele. Israel lingan anin ambrij a langamar adakuad. A kapardan bigardanji saring surda dakule (1 Samuel 9:2).  Bindo Kitungle aganugu iten? Anin kuddub dane maranji saring kuddub lanangka, ordaran saring. Anin gugudage do asuyemdage do radudam do ateng lanangkadam kan ordaran a danen saring. Kuddub ordaran lingan dane maranji akapardalingan dakuteji.

Dane maranji abmele etigoi ateng abaranji daku. amndranji araben dete. Aninji anosaijan gabdilben date do abojoraiben dete. dane maranji kuddub mandranji asanaisai tiyben dete. kun sattangted, a mandranji a d’ong abluben sanaisai asangem maranji as’iling saring. Kuddub mandranji kun dane maran amangba gijgijle dakutenji kuddub asanaisaijanji abojoraiben abmele.

Kun ambrij, amben janang Kitungan a kapardanban agijgijben dete, kuddub danukkaben amangban surpidle derdernaben dete. bo tagor amben alumlenden, Anin ablutaben, amben abmele jardin baran lumte do absittataben. Do ambendaman gijle arabtite bangsa do man’oih lingan daku gamle!

Ordardage a desanji orde danemaranji aninji kan rulingan do kantaran sanle yirteji. Bindo iteja rulingan orde kantaran adakue orde ijaja anabkalkalanji adakue ruang rajamlingan. Rajaman sakai anabsittana. Tanahimdam Kitungan a onagji, Jisun a kapardaban gijgijba, do raduloge hamba.

Okiy Kinolbe absele: “Anin a kapardan lingan dane-birdaran danakkun dete….. Anin a rajagodan do asanabyun a manarangan tanakudan adde-e…” (Jisaya 9:6, 7).