Dec 06 – Gash Isor laga!

Psalms 104:16 lebanon laga chedar gash khan junkhan jnkhan jehovaha laga nijor gashkhan ase aru juntu tai nijor lagaishe bishi borkhun  pani pai thake.

Yate borkhun pani laga motlob  tu hoile Isor laga bacha khan ke diya ashirbad ke koi ase. Itu borkhun pani karone hi gash khan laga jor tu mati laga nichete jabole pari kene ase. Aru mitha phal aru hara pata khan diye.

Israel laga mati te, jolphai gash khan ase juntuhazara sal tok thake. Jitya apuni utu gash laga thani khan ke dikhi bo, tai khan tu bishi bura hoa dikhi pabo. Hoilebi tai khan laga phal tu tu paka aru pata khan bi hara ase inika hi pabo. Tai khan tu notun gash khan nisina hi ase. Itu nishina hi, jun khan  ke Isor laga mondir pora lagaishe, itu khan tu gash khan ase ji tu namuribo, hodai din Isor laga kotha pora bhorta kuri thakile toh Isor laga ashirbad pora hi taza hoi thakibo.

Aru juntu gah khan nadi laga usorte lagai kene ase  pobitro atma pora utu khan tu kinika hobo? Prophet ezekeil pora koi ezekeil 47:12 nodi kinar laga duita phine bi sob kisim laga gash khan thakibo aru tate khabole pari guti khan bi thakibo, juntu khaloa laga kam dibo. Itu khan laga pata khan kitya bi nasukhabo, aru itu khan guti dhuribole kitya bi bon nahobo. Sob mahina te tate pakia guti khan thakibo, kilekoile mondir pora ahia dhara pora itu khan pani pai thake. Itu gash khan laga guti khan kha loa laga kam dibo, aru itu khan laga pata khan manu khan laga bimar  bhal koribo laga kam dibo.

Gash khan laga bhal kotha tu hoile tai khan guti dhura hi ase. Ami khan laga Jisu Krista pora koi ki ekta gash ke tai laga guti pora hi jani pabo. Itu karone apuni khan bi guti dhuribo lage.Toh apuni khan ki kisim laga guti dhuribo? Itu guti khan tu hoile atma laga ase, Galatians 5:22,23 tr koi kene ase; hoilebi atma pora ki pai koile, morom khusi, shanti, rubole para, morom laga, aru bhal biswasi, dhoijio thaka.

Ami khan laga Isor tai laga bacha khan sob ke itu phal dhuribole laga bhabana kure. Ekbar bhabna kuribi judi itu guti khan apuni logote ase na nai.Pobitro kotha te koi Phillipians 1:10  te koi ase phal hosa thaka laga,, collosians 1:10 phal bhal kam laga, Hebrews 13:15 aru phal amikhan muk laga jitu Isor ke dhonnyabad kure . isor pora bhorta kuri kene amikhan ke ashirbad dishe.

Itu khan sob apuni ke atma laga phal dhuribole nimite dishe itu prithibi te aru swarg te bi. Swarg laga gash nimite pobitro kotha te inika koi kene ase (Revelations 22:2 aru jai kene nagar laga maje laga rasta te pungchi ase. Nodi laga duita phini jibon laga gash khan ase . juntu laga guti khan salt e baro bar dhure; mahina te ekbar; aru itu laga  pata khan pora desh khan laga bimar khan bhal kure. Oh Isor laga bacha khan, apuni khan tu mamuli gash nahoi, apuni khan utu gash ase junke nadi laga usorte lagai. Apuni khan utu gash ase juntu hodai guti dhuribo aru kitya bi namuribo. Isor laganam uncha kuribi aru dhonyabad dibi taike, apuni ke ashirbad dangor diya nimite.

Aji bhabana kuribole laga pobitro kotha tu hoile Isaiah 65:22 gash khan laga din nishina, dinkhan hobo ami laga manukhan laga, aru ami pora chuna khan tai khan laga kam laga phal ke khabo.