Dec 06 – ISWARGI PAMBISING

“Iswargi upambising adu ising marang kaina phangbani, Lebanon da mahakna thakhibasing adu. ”(Psalm104:16)

Ising marang kaina phangba haiba asi Iswar gi machasingna marang kaina bor phangba aduni. Masigi mapanna upanbisingna mara chetna tatharaga marangkaina mahei yanbani.

Israel gi lamda leiba Olive panbi asi chahi lising natraga lising aniphao hingba ngambani. Madugi panbi adu yengbada asukki matik lire haibadu uba phanggani. Adubu makhoigi mana sing amadi maheising adu yamna tekkhattuna leiri. Makhoising adu anouba upanbising gumna leiri. Madugumna Iswarga achetpa mari thamliba misingsu Iswargi waheina yokthakpagi maramna makhoisu panggal kanna leiri. Aduga bor marang kaina phangli.

Thawai Asengbagi turel torbanda houriba upanbising adu karam tougani? Maichou Ezekiel na asumna hairammi:”turel torbanda houriba upanbi sing adu chaba yabani, makhoigi mana khuithaba leiroi, aduga maheisu pandaba touroi. Makhoigi maheising adu chinjak oigani, aduga makhoigi manasing adu hidak oigani.”(Ezekiel47:12). Upanbi amagi matik asi maheida leiribani. Upanbising asi makhoigi maheidagi khangba ngamgani haina Prabhu Jesuna hairammi. Aduna Prabhugi damakta mahei yangadabani.

Nahak karamba makhal gi mahei yanba tare? Galatia 5:22,23 da haibagi matung inna nahakna Thawaigi mahei yanba tare. “Thawaigi maheidi, nungshiba, haraoba, ingthaba, kuina khangba, nungshiheiba, aphaba oiba, thajaba yaba, pukchel tappa, masa khudum chanjaba.(Galatians5:22,23).Eikhoigi Iswarna eikhoi asi madugumba mahei yalhanningi. Madugumba mahei sing adu nangngondasu leiribra haiba khangdok-u. ?

Dharmachenbagi mahei gi maramdasu Bible na hairi. (Philippi1:10)aphaba thabak khudinggi ahei(Colossiana1:10)Mahakki mingda piriba thagatpagi chinbangi mahei. (Hebrews.13:15). Iswarna eikhoibu marangkaina bor adu pibire. Madu thoujangi mapalnani. Taibang amadi swargaphao Iswargi damakta mahei yannaba Iswarna mahei sing adu pibibani Upanbigi maramda Bible da asumna haiduna leiri, “Amasung turel adugi mapan amaromdasu amaromdasu mahei makhal taranithoi panba hingbagi upambi leirammi, madugi mahei tha khuding palli; aduga upambi adugi manana jatsinggi anaba phanabagi damak oirammi.”(Revelation22:2).

Nungshiba Iswargi machasing, nahak sorok mapanda pang hou houba upanbi natte. Nahak hingbagi turel mapanda houriba upanbi aduni. Matam chana mahei yangadaba amadi mana khuithaba leiroigadaba upanbising oiribani. Asuk chaona nangbu bor pibiba Iswar adu wangna thagatlu.

Dhyan tougadaba: “Upanbi amagi punshi gumna eigi mising adusu punshi nungsangba oisanu. Aduga eina khandoklaba misingna makhoigi thabakki mahei sing adu chagani.”(Isaiah65:22)