Dec 04 – Hosa Isor laga!

Psalms 91:4 tai laga hosa hi apuni laga dhal aru kawach hobo!

Sob ashirbad khan majote tu Isor laga hosa thaka hi dangor ase. Jitya ami khan hosa koi, itu motlob duita alag kotha:Isor laga hosa kotha aru Jisu-jun hi hosa. Ek jora suku nishina hi, itu duita hosa pora hi ami khan ke sob dikhaidiye.

Ami khan Bible ke pobitro kotha koi kene mane, kile koile Bible te kotha thaka khan tu sob pobitro aru hosa hi ase. Itu te hi jibon ase. Ami khan itu ke hi sona pora bi bishi lobule icha kuribo lage, kilekoile itu morom tu mitha ase honey pora bi bishi.

Sob Isor laga kosom khan tu hodai din karone ase. Swarg aru prithibi khan khotom hoi jabo, hoilebi Isor laga kotha kitya bi khotom nahobo. Pobbtro kotha te, kosom khan ase jitu apuni khan ke apuni laga rasta dikhai dibo. Yate verses khan bi ase jitu apuni laga rasta te ujala kuribo. Jun khan pobitro kotha laga ujala te berabo, tai kitya bi galti nakuribo, aru rasta naharabo. Kilekoile Isor laga kotha, apuni ke thik banai aru aru apuni ke hosa rasta dikhai.

Jitya amikhan laga Isor Jisutai laga chela khan karone prathana kurisshe, tai binti kurishe tai khan ke sapha kuri dibole (John 17:17  apuni laga hosa khan pora take pobitro kori dibi; apuni laga kotha hi hosa ase.) isor laga kotha pora hi apuni ke sapha aru pobitro banai diye. Apuni pobitro hoi kene nijor ke hi Isor ke di dibo aru Isor laga kotha ke mon te rakhi thakibo. Itu pobitro kotha pora apuni ke sob bhar khan pora mukti dibo. Isor Jisu pora kooishe: john 8:32 aru apuni hosa ke janibo, aru itu hosa pora hi apuni ke mukti dibo.

Itu kiman bi dangor ashirbad ase ki Isor laga kotha hi apuni laga dhal aru kawach ase. Tai laga hosa ji pora apuni ke bachai satan laga thir pora. Jisu hi apuni laga kawach ase. Itu karone apuni bhoi nakoribo lage, hoilebi Isor ke dhuri kene thakibo lage.

Kawach tu ekta bishi zaroori saman ase judho laga jagate. Itu nishina hi, Isor laga kotha kawach hosa laga apuni ke sob biya khan pora bachai kene rakhibo, apuni karone lorai kuribo satan laga atma logote. Ami khan laga Isor Jisu satan laga sob porikha kkhan ke par kurishe, khali itu Isor laga kotha ke koikene. Isosr Jisu Krista, apuni ke bi inika hi jitibole dibo apuni laga sob atma laga lorai te.

Aji bhabna kuribole lahga pobitro kotha tu hoile. Proverbs 30:5 Isor ki kotha koikene rakhise  ituke ji hoilebi pura kure. Jun taike Biswas kure taikhan nmirte tai guli pora bachai diya laga dhal ase.