Dec 03 – KITUNGAN ASUYEM!

“iten asan gamlenden Anin asuyeman awrdam. Bindo hen mandran a s’i lingan galudongihte” (2 Samuel 24:14).

Kitungan asuyem awrdam. Bo denna raja Daudo a banai beran Israel do Juda maranji kuddub aboi anosaij adakuben dete gamle. Kan a baran batte Daudo anin a ranaptin do a mandranji a danirderan dakule. Anin baheten, Joab, sanu maranji a banaihtiy mar Israel a kuddub teganji. Joab jalangle gameten kan ambrij lanuman dedongete, Daudo raduloge asaniday beran dakule. Do kan ate alumben dete gamle, sanu maranji a ranapti lingan derderlen Kitungan a ranapti lingan erderderlenben, Kitungan atimang ling pintun lumleji.

Daudo a baran batte pandradan, Kitungan yagi bernan dakule Daudo amangba. Gulji mihnum kantara, orde asanggem maranji batte asanunaben yagi angai sikoija, orde yagi mihnum rulingan. Angante Daudo kan ate amdangle, anin awrloge kalkaldam do danukadam dele. Do Daudo gamle: “Hen boiboi galaih piyaihge detih. Anlen Gamangtungan a s’I lingan galuaite. Iten asan gamlenden Anin asuyeman awrdam. Bindo hen mandran a s’i lingan galudongihte.” (2 Sanuel 24:14).

Amben mandran a s’i ling galudongben orde sonuman a s’i lingan, bindo Kitungan amangba yernaiba. Anin padradaihte janang tanimhiman batte sankurlangten. Anin abparaite janang, Anin tolbalangten. Do abwrte asuyeman mangbalen. Anin abpadrade pintubenji ambrij, bindo gugudage tabmadlangten, do asyeman tiyle marid mandrengna adhanaben delangten. Bibolan gamte: “Gamangtungan a erztna asuyeman asan anlen san’zdan addelai, iten asan gamlenden Anin asuyeman er ahiddam. Dile tagaldan kuni tabme dete; Aman asuyeman yan a surda” (Edana 3:22,23).

Ajardina, pintulenji boiboi surdadam, do panadradan ahangben tungnadam. Bindo Kitungan a suyeman do asuyuman surdadam, Anin ordarba yirai do murkundarangan ambrij kanabhidan dele pintulen asan. Anin a d’ong anabpararan del danusalenji asan do kanabhidan dele er marid baralenji asan. Anindaman kubdamneten pintu kanuban ambrij. Yangam ahangte awrdage asuyeman amangan saring? Bibolan gamte: “Ayengan a mandran anindaman a pintunji rubrubte anin banagsan rapti adhange, bindo ayengan a mandra antate abpengbale umdrengte, anin asuyeman hangte” (Bangsa Hanang 28:13).

Mandran asuyeman asuidam. Bindo Kitungan asuyeman erahiddage. Angante mandran asuyeman, ayaman ayaman bandaten, Kitungan a tanimyiman do asuyeman agaja abdandane, agaja adtakude, dile tordong dakute. “Iten asan gamlenden Gamang-Kitung-ben, Asuyemtungan. Anin d’ong-ben adnomdae orde adnabs’zde, bar itente analsibdaijan Anin juju-benji batte jzbjzble, antate Anin akkaridae” (Bagujuanaber 4:31).

Okiy Kinolbe absele: “Gamang Kitung-len Aman d’ong-len adnabasuyemlenan sikkoi ja mad-len mangba-Nam gijgijte” (Sanenken 123:2).